Shillong, Jymmang 03: Ka Shillong Lajong Akademi jong ki shynrang mynta ka sngi kala jop pyrshah ia ka Mohammedan Sporting Club da shikol ha ka jingialehkai jong ka U-13 Youth League kaba la long ha ka krup B phainal mynta ka sngi ha Howrah Stadium Kolkata.
Ha kane ka jingialehkai kaba la long mynta ka sngi ia ka jingjop la wanrah da ka jingioh thep jong u Gladdy Kharbuli ia ka kol bad da kane ka shikol ka Shillong la jong kala jop ia ka tei ka kynhun ialehkai kaba paw na Kolkata.
Ha ka jingiakhein ia ki poin kiba ioh na ki jingialehkai ka Shillong Lajong Akademi kala wan ba ar kat ba ka Mohammedan FC kala wan ba nyngkong namar kala tam lai point, hynrei da ka jingkhien ia ki kol na ki jingialehkai baroh ka Shillong Lajong kala ioh rung sha ka seni-phainal.
