Pom ki runar ia ki shikurim hapoh iing ha Jowai, iap ka lok mynsaw jur u lok

Shillong, Risaw 12: Ha ka miet sngi palei ki runar kiba ymlah ban tip kila leit ban rung jubor ha iing sah jong ka kong Baphibanker Phawa bad kila pom da ki tiar pynmynsaw ia ki shikurim haduh ba kin da mynsaw jur.

U Additional Superintendent ki pulit jong ka jong ka West Jaintia Hills, haba kren ha u SP News Agency u la iathuh ba ki runar kila rung ha katei ka iing ha ka por 11.00 baje mynmiet bad pom ia kine ki shikurim haduh ba kin da mynsaw jur.

Ha kane ka jingjia ka kong Daphibanker Phawa kaba 29 snem ka rta kala khlad noh na ka daw jong ka jingmynsaw bad u kurom jong ka u Shuwanmiki Law 30 snem ka rta u dang don hapoh Hospital ban shah sumar.

Haba ia dei bad kane ka jingjia na ka liang jong ki pulit kila pynlong ia ka jingtohkit ban lap ia kiba don kti ha kane ka kam runar ban pom ia ki briew haduh ban da poi sha ka jingiap.

What Next?

Recent Articles

Leave a Reply

Submit Comment

*