Por shiteng synia mih ka jingklumar ha Temple Nartiang, mynsawjur ar ngut ki pulit

Shillong, Risaw 16: Por shiteng synia kala don ka jigniaklumar ha Temple ha Nartiang na ka daw jong ka jingwanrah ia u Pujari ba thymmai da u rangbah shnong ia kaba ki paidbah ki pyrshah jur.

Katkum ki tyllong khubor kiba la lah ban ioh na katei ka jaka la iathuh ba ar ngut ki pulit kila mynsaw jur, u wei u pulit shyrang bad kawei ka pulit kynthei ha kaba la pynkit ia ki sha Woodland Hospital ban ioh ia ka jingsumar. Ha kane ka jingiaklumar bun kiwei ruh ki pulit kiba la mynsaw tang ba kim pat da jur.

Katkum ki khubor kiba la lah ban ioh la iathuh ba ka jingklumar ha katei ka jaka ka long namar ba kala don ka jingpyrshang na ka liang jong u rangbah shnong ban pynrung jurbor ia u pandit ban leh niam ha kane ka puja ha kaba ki briew kim pdiang.

Na ka liang jong ki pulit kiba ap ha katei ka jaka haba ki iohi ba kala mih ka jingklumar ban tem ia kane ka jingjia kila pyndon kam da ka “Lathi Charge” ia ki paidbah bad ha kane ka jingpyndon kam ia ka “Lathi Charge” kila don ruh ki riew paidbah kiba la mynsaw.

 

 

What Next?

Recent Articles

Leave a Reply

Submit Comment

*