Prong biang ki hati khlaw ha shnong Kalapahar ha SWKD pynjulor ar tylli ki iing

Shillong, Nohprah 14:  Ka shnong kalapahar kaba don ha khappud bad ka Bangladesh kala shah prong biang ha ki hati khlaw ha ka meit sngi u Blei bad ha kane ka jingwan poi biang kine ki hati khlaw ar tylli ki iing kila shah pynjot.

Katkum ka jingiathuh jong u John D Sangma general Secretary jong ka seng All Khasi Hills A.Chick Federation la ong ba kine ki hati khlaw kila rung biang hapoh shnong ha ka 7.30 baje mynmiet jong ka sngi u blei bad ha kane ka jingwan kila ioh ban pynjulor ar tylli ki iing.

Haba ki hati khlaw kila prong biang sha poh shnong na ka liang jong ki nongshong shnong kila ia pyrta bad kine ki hati kila phet noh ha kane ka jaka kaba hap hapoh jong ka South West Khasi Hills District hapoh jong ka Ranikor Civil Sub Division. Na ka liang ka AKHAF kala leit ban iarap ia kine ki long iing da ka pisa.

Lah ban pynkynmaw ba dang katto katne bnai kane ka shnong Kalapahar kala shah thombor ha ki hati khlaw bad bun tylli ki iing kila shah pynjulor bad kane ka dei ka siem kaba ar ba kine ki hati kila prong sha katei ka shnong. Na ka liang jong ka seng AKHFA ka kyntu ia ki bor jong ka District Administration ban iarap kloi lan ia kine kiba shah pynjulor ha ki hati khlaw.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet