Pule kyndon (5) bad pynrung IOA & AA  hapoh Constitution Ri India la don lupa ka ILP: Bah John

Shillong, Rymphang 08: U bah John F Kharshiing u la ong ba ym don shuh da kawei ka lynti lait noh da kaba pynrung bad pynpaw ia ka Instrument of Accession bad ki kyndon Annexed Agreement kaba 17th August 1948 hapoh ka Constitution Ri India hapoh ka Article 370 jong ka constitution Ri India kum shibynta ban iada ia ka jaidbynriew.

Haba kren ha ki nognthoh khubor mynta ka sngi u la ong, la ka Instrument of Accession and Annexed Agreement 17th August 1948 la soi bad mynjur da u Shri. C Rajagopalachari, Governor General, Dominion of India (Govt of India) bad ki Arphewsan Hima Khasi States ha ka kyrteng ki Hima la jong bad kumjuh ha ka kyrteng jong ka Synjuk ki Hima Khasi States (Federation of Khasi States). Ka Jaintia National Conference ka la shim ia ka rai ha ka 1 September 1947 ban ia snoh kti lang bad ka Federation of Khasi States katkum ka kyndon saw jong ka Annexed Agreement.

Katkum ka kyndon san jong ka Annexed Agreement ka thoh shai lah ban ong ruh ba kane ka la dei lupa ka ILP hapoh ka Constitution Ri India kaba la bsuh ki Syiem bad ka Federation of Khasi States naduh ki snem 1947-48 bad ka kren shai ba baroh ki Ain kiba thaw ka Parliament Ri India ki dei ban long kiba lah ban pynbeit ba kin long katkum ki rukom im hapoh ki jaka Khasi States.

Administrative Powers – Clause 5.  Legislation – In matters of legislation concerning subjects of common interest passed by the Assam Legislature there should be some machinery either by representation in that legislature or otherwise set up whereby the legislation, where necessary, can be adopted or modified to suit the conditions and circumstances existing in the Khasi Hill.

Shuh shuh halor ka phang ILP kane ka kam ka la long kaba la mih la bun bun snem bad ka Federation of Khasi States ngi kyrshan pura ia ka jingdawa ILP namar ka la don ka la dep paw bad rung lupa hapoh ka Instrument of Accession & Annexed Agreement (IOA & AA)  bad dang shen hapoh Hima Maharam Syiemship Rules 200 9 bad Hima Nongstoin Syiemship Rules 2006 lyngba ki Rule kiba ngi kdew harum bad kaba donkam ka long ban pynjanai ia ka rule ban kdew ia ki jingpynshitom lada lap ia kito kiba pynkhien ia ki Rule kiba la dep pynskhem da u Lat ka jylla ha u snem

Ha ka rule The Maharam Syiemship (Administration) Rules, 2009, la ong kumne ka Section 9. sub-section (2). No land situated within the Syiemship shall be transferred by way of sale or lease to non-tribals without the knowledge and approval of the Syiem and Dorbar,  bad ka Section 10. sub-section 6. ka kren shai ba ki bymdei Khasi kim lah ban rung hapoh ka Maharam Syiemship khlem da ioh ia ki dulir kiba biang na ka office u Syiem bad ka Dorbar (Non-tribals are not allowed to permanently settle within any area under the territorial jurisdiction of Maharam Syiemship without valid documents issued by the Syiem and Durbar). Kaba sah ka long ia ki bor KHADC bad Hima Maharam ba kin plie ia ka office Hima kaban bishar ia ka jingai dulir, ha Shillong.

Katba ka The Administration of Nongstoin Syiemship Rules, 2006, ka kren shai ka Section 8. sub-clause iii (a) ba u Dkhar um don hok ban wan buhai shnong lane ban wan rep hapoh kano kano ka shnong hapoh u pud u sam jong ka Nongstoin Syiemship. (Section 8. sub-clause iii (a) A Dkhar shall have no right to settle or cultivate in any part or village within the Syiemship).

Kumta ngi kyntu ia ka Sorkar Meghalaya ba kan shim khia ban 1.  Pynrung ia ka IOA & AA hapoh ka Constitution Ri India ba kan pyntreikam ia ka kyndon san (5) jong ka Annexed Agreement kaban long ka ILP hapoh ka Constitution Ri India bad 2. Ban pynjari ia ka ILP hapoh ki Hima Khasi States halor ka nongrim jong ka kyndon 5 jong ka Instrument of Accession and Annexed Agreement kaba la mynjur da ka Sorkar India ha ka 17 tarik August 1948, namar la dep teng ban mynjur ia ka ILP Hima Maharam Rule 2009 bad Hima Nongstoin Rule 2006.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet