Pulom ka jingthmu shallan suloi sha Bangladesh ba lap noh ki shipai BSF ha Shella

BOP ShellaShillong, Risaw 06: Ki shipai Border Security Force (BSF) kiba don hapoh jong ka BOP Shella kila lah ban pynlait na ka jingshallan ia ki suloi tuh na India sha Bangladesh da ka jingioh jigntip biang por ha kaba kila ioh ban kurup ia ki suloi.

Ha ka miet sngi Thohdieng por 7.30 baje mynmiet ki shipai BSF kila ioh jingtip ba ki don ki briew kiba don ha khappud bad ka Bangladesh ha ki bynta jong ka Shella ha East Khasi Hills District, na ka liang jong ki BSF kila kerkut ia kane ka jaka, hynrei kine ki nongshallan suloi tuh kila ioh ban phet.

Ha ka jingkhynra jong ki BSF ia kane ka jaka kila ioh ban kurup, 12 tylli ki suloi tuh ba la shna hi, 05 tylli ki suloi kdiah, 03 tylli ki tikli, 03 tylli ki kuli, 05 tylli ki reng mrad, kawei ka mobile,ki sim kard 02 tylli, ki tohlight 04 tylli bad ar tylli ki wait tukri.

Na ka liang jong ki BSF, kila ong ba katkum ka jingtip kaba kila ioh ka long ba kila don ki briew kiba juh don ha katei ka thain kiba juh lute ia ki paidbah. Na ka liang jong ki BSF mynta ki dang wad ia kine ki briew ban lap ia kine ki nongleh kam sniew.

Na ka liang jong ki shipai BSF kila shimkhia bha ia kane ka kam namar, ka long kaei kaei kaba hap ban khanglad ia kane ka jingpyrshang ban khaii shuloi beain na India sha Bangladesh, la ong ba ha kine ki khyndiat sngi kan don ka ilekshon ha Bangladesh.

U Lalatendu Mohanti, IPS, Inspector General jong ki  BSF Meghalaya Frontier u la bethah ia baroh ki BOP kiba don ha khappud bad ka Bangladesh ba kin long kiba peitngor bha ba kam dei ban don ka jingshallan tiar siat na India sha Bangladesh.

What Next?

Recent Articles

Leave a Reply

Submit Comment

*