Williamnagar, Naitung 28: Mynta ka sngi ha ka por mynstep, ha dien ba ki pulit kila ioh ia ka jingtip kaba biang ba ki don ki riew kiengatiar kumba 6 lane 7 ngut kiba don ha ki bynta jong ka shnong Rongchekgre bad Chambugong, kila leit ban khynra ha kitei ki shnong ha kaba kala don ka jingiasiat bad ki pulit ha kane ka jingiasait ki pulit kila ioh ban kem saw ngut bad kiwei pat kila ioh ban phet krad.
Kiba la shah kem ha kti jong ki pulit ki long u John T Sangma u ba la tip da ka kyrteng sin kum u june 18 snem , u Simple M Sangma 22 snem kine ki dei na ka shnong chambugong, u Jerean Jeangku A Sangma 20 snem na ka shnong Daringra, bad u Balko M Sangma 15 snem na ka shnong Rongasigre baroh kine la ioh kem mynta ka sngi.
Na ka jaka ba don ka jingiasiat ki pulit kila ioh ban kurup, ar tylli ki pistol, ar tylli ki magazine ba dei jong ki pistom ki kulit ba khlem pat pyndon kam, kawei ka suloi SBML kaba la dep ban thep kuli, ki dynamait, ki Detonators bad lai tylli ki mobile phone, ki pulit ki la ong ba kane ka kynhun kala sdang ban thaw ia ka kynhun lehnoh.
Kane ka jingkhynra mynta ka sngi ka long ka long kaba jop ha kaba ki pulit kila lah ban rat dyngkhong ia ka jingthmu jong kane ka kynhun ban thaw seng lehnoh, da kane ka jingioh kem ia kine kane kan wanrah ia ka jingshong suk shong sian ha East Garo Hills, ki pulit kila register case ia kine bad ka jingthoh kit ka dang iaid sha khmat.
