Pyllait ka Sorkar palat T 25,586 klur sha ki account hapoh ka skhim Stand-Up India

New Delhi, Iaiong 04: Ka jingkiew shaphrang mynta ka dang iaid stet ha India. Ki jingangnud, ki jingthmu bad ki jingthrang jong ki briew ki dang kiew. Ki don shibun ki briew kiba lah ban sdang ia ki kam lajong.

Kane kan long khamtam ki longkmie bad kito kiba dei na ki Schedule Caste bad ki Schedule Tribe  kiba kwah ban seng ia ki kam lajong kiba plie lad ia ki ba kin long kiba bit ba biang bad kiba kiewshaphrang.

Kum kine ki briew ki don ha kylleng ka ri bad ki don shibun ki jingthmu halor ki kam ba ki lah ban leh na ka bynta lajong bad ka longiing jong ki. Ki briew kiba dei na ki SC bad ST ha ryngkat ki longkmie kiba kwah ban seng kam lajong ki long kiba kloi ban trei hynrei ki lah ban iakynduh katto katne ki jingeh ha ka jingpyrshang jong ki ban pynkylla ia ki jingthmu jong ki ha ki jingshisha.

Da kaba iohi ia kine ki jingeh, la sdang ia ka skhim Stand Up India ha ka 5 tarik u Iaiong 2016 ban kyntiew ia ki kam shimet kiba dang shu sdang kiba iadei bad ka jingpynkupbor ha ka ioh ka kot bad ka jingplie lad ioh kam. Ia kane ka skhim la bteng haduh u snem 2025. Katba ngi rakhe ia u mawmer 5 snem jong ka skhim Stand Up India, to ngin iapeit mynta ia ka jinglong bad ki jingjop jong kane ka skhim.

Ka thong jong ka skhim Stand Up India ka dei ban kyntiew ia ka jingsdang ia ki kam shimet hapdeng ki longkmie, ki briew kiba dei na ki SC bad ST khnang ban ai jingiarap ia ki ba kin sdang ia ki kam thymmai ban shna mar bad ban ai jingshakri da ki nongshim ram kiba la tbit bad kiba dang ioh jinghikai ruh.

Ka jingthmu jong ka skhim Stand-Up India ka dei ban,Kyntiew ia ka jingsdang kam lajong hapdeng ki longkmie bad ki briew kiba dei na ki ST bad SC. Plie lad ia ki briew ba kin ioh shim ram ban sdang ia ki kam ba thymmai ban shna mar bad ban ai jingshakri da kiba la tbit bad kiba dang ioh jinghikai. Ia kaba ynbujli da ka

Jingplie lad ban ioh shim ram na ka bynta ka jingsdang ia ki kam ba thymmai ban shna tiar, ban ai jingshakri lane ha ki kam khaii pateng bad ki kam ba iadei bad ki kam rep da ki briew kiba la tbit lane kiba dang ioh jinghikai.

Pynioh ia ki ram na ki bank kiba naduh T 10 lak haduh T 1 klur na man ka branch jong ki Scheduled Commercial Bank sha kumnokumno uwei u nongshim ram uba dei na ki SC, ST lane ka longkmie.

Ia ka skhim Stand Up India la buh nongrim ha ka jingithuh ia ki jingeh ba ki SC, ST bad ki longkmie ki iakynduhhaba ki pyrshang ban seng ia ki kam lajong, ban ioh shim ram bad kiwei kiwei ki jingiarap ba ki donkam na ka por sha ka por khnang ba ka kam jong ki kan long kaba jop.

Kumta, kane ka skhim ka thmu ban wanrah ia ka jinglong jingman kaba iarap bad kaba bteng ban ai jingkyrshan ia ki ba kin trei ia kine ki kam. Kane ka skhim ka thmu ban plie lad ia ki ba kin ioh ban shim ram na ki branch jong ki bank khnang ba kin lah ban seng ia ki kam lajong.

Ia kane ka skhim kaba treikam ha baroh ki branch jong ki Scheduled Commercial Bank, lah ban ioh ha lai rukom, Da kaba leit mih sha ka branch, lane, Lyngba ka Stand-Up India Portal (www.standupmitra.in) lane, Lyngba u Lead District Manager (LDM).

Mano kita kiba lah ban shim ram, Ki nongseng kam lajong kiba dei ki SC, ki ST lane ki longkmie kiba la palat 18 snem ka rta. Lah ban shim ram hapoh kane ka skhim tang na ka bynta ki kam kiba thymmai ha kaba ka kam ka dei ban long kaba dang shu sdang lane kaba pyrshangnyngkong kaba iadei bad ka jingshna mar, ka jingai jingshakri lane ki kam khaii pateng bad kito kiba iadon bynta bad ki kam rep.

Lada ka kam ka dei kaba pyntrei da ka kynhun, u ST SC lane ka longkmie ki dei ban don bynta kumno kumno 51%. Ki nongshim ram kim dei ban sah ram ha kano kano ka bank ne ka jaka ai ram.

Ki jingjop jong kane ka skhim haduh ka 23.03.2021 ki long, Naduh ba la sdang ia ka skhim, la pyllait pisa haduh T. 25,586 klur hapoh ka skhim Stand Up India sha palat 1,14,322tylli ki account haduh ka 23.03.2021.

What Next?

Recent Articles

Leave a Reply

Submit Comment

*