Pyllait paidbah ka KSU Jaiaw Circle iaka jingrwai bala ai kyrteng “kyntiew iala ki jong”

Shillong, Iaiong 06: “Kyntiew iala ki Jong” ia kaba lah rwai da ki nongrwai ba pawnam ka Ri Khasi ba kynthup ia u Big Ri na ka Khasi Bloodz bad Venon Lyngkhoi.

Ka Khasi Students’ Union (KSU) Jaiaw Circle ha ka 3 tarik u Ïaiong 2021 ka la ioh pat ban pyllait paidbah iaka jingrwai (Music Video) “Kyntiew iala ki Jong” iakaba lah rwai da ki nongrwai ba pawnam ka Ri Khasi ba kynthup ia u Big Ri na ka Khasi Bloodz bad Venon Lyngkhoi bad ruh iaki kot lyngkdop halor ka phang kyntiew iala ki jong.

Iakane ka music video la pynbit pynbiang da ka Dbryn Records Studio kaba la direk da u Samla Apdor Tron Ka jing pyllait iakane ka music video ka long shi bynta na ka Campaign ba la sdang da ka KSU Jaiaw Circle ba la tip kum ka “KYNTIEW IA LA KI JONG” Campaign.

Ka jingthmu jong kane ka jingrwai lyngba kane ka Campaign ka long beit thik ban wanrah iakata ka saiñ pyrkhat ba thymmai jong u khun khasi khara ha kaba ban kyntiew ia la ki jong ha baroh ki liang khamtam eh ha ka khaii ka pateng kaba dei kawei na u budlum ba khlain jong kano kano ka jaidbynriew.

Ka KSU Jaiaw Circle lyngba kane ka sien jam ka kyrmen skhem ba kan wan ka jingkylla ha baroh ki liang bad khamtam ha ka pyrkhat pyrdain bad ka khaii ka pateng.

La ioh ban pyllait paidbah iaki kot lyngkdop da u Samla Ostarnic Marbaniang uba dei u Organising Secretary ka KSU Sengkmie bad iaka music video pat la pyllait paidbah da u Bah Paul Lyngdoh uba dei u MDC ka Jaiaw Constituency. La ia don lang ha kane ka sngi da ki riew Rangbah, ki longkmie ,ki samla kynthei bad shynrang.

Ka KSU Jaiaw Circle ha kane ka sngi ka la pynkup burom ruh ia arngut ki Rangbah kata ki long i Bah Arki Banshngaiñ Nongrum bad i Bah Sanlang Kharkongor na ka bynta ka jingnoh synñiang ka jong ki ha ka imlang sahlang ha kiba bun ki liang.

Ha kane ka juh ka sngi la ioh ruh ban pynbna iaki nongjop iaki lucky draw ba la pynbna da u Bah J L Khongshei, bad ki nongjop jong ki lucky draw ki long,1st- 0520, 2nd-2255,  3rd-2139 bad ki khusnam bala ai kyrpang ki long,1/2811, 2/3220, 3/3717, 4/2085, 5/2706.

U Samla Wallam K Nongsiej, Vice President ka KSU Delhi ha ka Lympung jingialang “KYNTIEW ÏA LA KI JONG” campaign kaba la pynlong da ka KSU Jaiaw Circle hapoh Mawkhar Dorbar Hall u la ther tyngeh ïa ki policy ai kam ka sorkar jylla ba kumno ka sorkar jylla kaba rim bad kaba mynta ka pyrshang ban beh ïaki Samla wad kam wad jam na kane ka Jylla shabar.

Katba ka pdiang Sngewbha pat ïa kiba nabar ban wan trei Sha kane ka Jylla, Shuh shuh ha ka jingkren jong u, u la pynshai ba ki company kiba ka sorkar jylla ka ïasoi ban ai jinghikai ïa ki skill training bun kidei Ki company kiba na shabar ka jylla bad ynda ki Samla kiiba la pyndep ïa Ki Jingshah hikai ha kine Ki company hapoh ka jylla Ki company Ki ai beit ïa ka placement kam ïaki Samla sha kiwei pat Ki jylla.

Kane ka Jingpynlut jong ka sorkar ha Ki company ba na shabar ka pynduhnong Shibun eh ïa ka jylla hi baroh kawei lada Ki Samla ba la shah pyntbit ïalade Ki leit trei noh Sha kiwei pat Ki jylla bad u la ong ruh ba kaba sngewsih eh ka long ba ka sorkar jylla kam ju buddien shuh pat ia kiba ioh placement shabar na kitei Ki company la Ki ïoh hok ia ka kam katkum ka jingpyndep training ka jongki ne ki shah phah jubor pat Sha kiwei ki kam Ki bym ïahap bad ka jingkular kam lane Ki kam ki bymtei ïa ka Imlang ka sahlang.

Shuh shuh, u la bynrap ruh ba Ki company kidei ban ia jinghikai bad placement Katkum ka jingdonkam hapoh ka jylla hashwa ba kin iasoi bad ka sorkar khnang ba ka nang kyntiew ha Ki kam Ki jam bad kumjuh ruh ïa ka economy jong ka jylla baroh kawei, la ong u Samla Wallam K Nongsiej.

Ha katei ka Sngi lah ïoh jingkren ruh na U MDC ka Jaiaw Constituency, Bah Paul Lyngdoh uba long u Kongsan bad kumjuh ruh na U Asst. Secy ka Synjuk Ki Nongsynshar Shnong Ka Bri U Hynñiewtrep, U Bah J. L Khongshei uba long U Symbud Kongsan ha katei ka Lympung bad na u Organising Secretary ka KSU Sengkmie uba dei ruh u President ka KSU Jaiaw Circle, U Samla Ostarnic Marbañiang.

 

What Next?

Recent Articles

Leave a Reply

Submit Comment

*