Pyllait pisa ka Sorkar India T. 15000 klur na ka bynta ka India COVID-19 ba don kam kyrkieh

New Delhi, Iaiong 10: Ka Sorkar India ka la pynbna ia ki jingbei tyngka haduh T.15000 klur sha ka ‘India COVID-19 ‘Emergency Response bad Health System Preparedness Package’. Ia ka pisa ba lah pyllait yn pyndonkam mardor ha ka COVID-19 Emergency Response T.7774 klur bad ia kaba sah yn pyndonkam ban ai jingkyrshan 1-4 snem ban ai katkum ka mission mode.

Ki jingthmu jong kane ka song tyngka ka dei ban pynduna ka jingkhie ka COVID-19 ha India lyngba ka jingpynkhlain ia ki jaka wad bad sumar ia ki nongpang COVID-19, ka jingthied ia ki mar sumar bad ki dawai ban sumar ia kine ki nongpang, ban pynkhlain bad kyrshan ia ki jaka sumar ban iada na ka jingpur kane ka jingpang nangne shakhmat

Da kane ka jingiarap pisa ka long ban sdang ia ki laboratory bad ban pynkhlain ia ki jingpeitngor, ka jingpynkhreh bio-security, ka jingwad bniah ia ki jingpang bad ban iatrei bad ka imlang sahlang ban pynduna ia ka jingma. Ia kine ki kam yn pyntreikam da ka tnat ka koit ka khiah jong ka Sorkar Pdeng.

U Myntri Rangbah duh jong ka ri ha ka jingkren jong u sha ka ri ha ka 24 tarik u Lber 2020 u la ong, “Ka Sorkar Pdeng ka la buh sharud 15 hajar klur tyngka ban sumar ia ki nongpang coronavirus bad ban pynkhlain ia ki jaka sumar nongpang ha ka ri.

Kane kan plie lad ban pynbun ia ki jaka test coronavirus, ki Personal Protective Equipment (PPE), ki jaka pynsah marwei, ki jingthiah ICU, ki ventilator bad kiwei kiwei ki jingdonkam ba kongsan. Ha ka juh ka por, yn ai jingai jinghikai ia ki nongsumar briew. Nga la kyntu ia ki Sorkar Jylla ba kin buh ia ka koit ka khiah kum ka bynta kaba kongsan tam mynta.”

Kaba bun na kane ka jingbei tyngka yn pyndonkam ban pynkhlain ia ka jingdon kam ba kykireyh , ia ki jaka sumar jong ka Sorkar Pdeng bad ki Jylla ban pynbud da ka jingpynkhlain ia ka jingwad bniah ia ki jingpang na ka bynta ka One Health, ka jingiatrei bad ka imlang sahlang bad ka jingpynduna ia ka jingma, ka jingpyniaid, ka jingpynkhlain bad ka jingpeit ia ki kam.

La aibor ia ka tnat ka Koit ka Khiah ban pyniaid shane shatai ia ki jingdon jingem hapdeng ki bynta jong ka song jingiarap bad kito kiba pyntrei (National Health Mission, Central Procurement, Railways, Dept of Health Research/ICMR, National Centre for Disease Control) katkum ka jingdonkam.

Ka tnat ka Koit ka Khiah ka la ialam lynti ha ki kam ba iadei bad ka jingsumar briew da kaba buh ia ka jingtehlakam kum ka rukom trei kaba hakhmat et. Haduh mynta ki don 223 tylli ki lab kiba kynthup 157 kiba dei jong ka sorkar bad 66 jong ki briew shimet kiba trei ia ki kam screening. Shuh shuh, ka tnat ka la dep lypa ban ai T. 4113 klur sha baroh ki jylla bad ki UT bad ialeh pyrshah ia ka COVID.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet