Shillong, K.Lyngkot 29: Ka JSU Khiehriat Circle mynta ka sngi ka lah hiar sha Mynkre ban jngoh da la jong ki khmat iaka jaka tylliat maw ka G.R Infra Project ba khmih daka NHAI bad ka seng ka lah shem ba ka karkhana tylliat maw ha kane ka jaka ka long kaba isaitmet.
Ka jingleit khang ka long namar ka jingpynmih kulmar iaka tdem ba ki pui pui kiba lah ban ktah iaka koit ka khiah jong ki nongshong shnong kiba don haka shnong kiba marjan.Kane ka karkhana ka don ha shnong Mynkre,East Jaintia Hills District
Ki nongialam ka seng JSU Khliehriat kiba kynthup ia u President u samla Livingson Sama bad u Vice Presisent u samla Laski Siangchai ryngkat bad ki dkhot ka seng ki lah ioh ban iakren bad u nongpeit kane ka karkhana bad ka seng ka lah phah khang shuwa shipor.
Kane ka jingphah khang ka long tad haduh ba ka kompeni kala ioh ban buh da ki filter kiba biang pynmih iaka tdem ban ia u tyndong tdem u ba jrong ban lait na ka jingktah iaki paitbah bad ki nongshong shnong.
Na ka liang u President ka seng u lah ong ba ka seng kan iai bud dien haduh ba ka karkhana kan pynbiang iaka jingdonkam ban lait na ka jingshah ktah ki paitbah bad ko nongshong shnong na ka tdem ba mih na kane ka karkhana tylliat maw.
