Pyna ka UDP ia ki 10 ngut ki kyrtong MDC sha ka iing dorbar jong ka KHADC

Dr Jemino and UDP EC membersShillong, Risaw 16: Ka ilekshon kommittee jong ka party UDP kaba la shong mynta ka sngi kala shong pyrkhat na ka bynta ka MDC ilekshon sha ki ar tylli ki iing dorbar jong ki District Council , ka KHADC bad ka JHADC ka ban long ha u snem 2019.

Ha kane ka jingiashong pyrkhat kam, ka part kala lah ban pynbna tang 10 tylli ki MDC konstitwensi hapoh ka iing dorbar jong ka KHADC. Ki shiphew ngut ki kyrtong ki long, Bah Embhahlang Syiemlieh na Mawlai, Ricky Shullai na Labam- Mawprem, bah S. Basingroy Kharshady na Nongthymmai kine ki long na Shillong.

Na Ri Bhoi District la pynbna mynta ka sngi tang ia ka kyrteng jong ki ar ngut ki MDC, u bah Donsumer na Umsning bad ka kong Rona Khymdeit na Nongpoh.

Kiwei pat kiba dei na Khasi Hills District kiba dei na shabar ka sor Shillong ki long u bah Teinwell Dkhar na Shella, Bah Titostarwell na Sohra, bah Oland Suin na Mawsynram, Bah Maxdonal Kharkongor na Mylliem bad u bah Khamshai Lyngdoh na Mawphlang-Diengiei.

U Dr Jemino Mawthoh u la ong ba ia kiba dang sah yn sa pynbna biang ha dien namar kin dang ia kynduh biang ha ka 31 tarik mynta u bnai kane ka Ilekshon Committee. Na ka bynta ka Jiantia Hills JHADC kin dang hap ban ia shong ban ia kren ha kaba wad ia ki kyrtong.

Haba ia dei bad ka MP Ilekshon MP u Bah Bindo M Lanong u la iathuh ba ki don ar ngut ki nongialam jong ka UDP kiba la pynpaw ba ki long kiba la kloi ban tyrwa ia lade kum ki kyrtong ban ia khun ia ka MP ilekshon sha Lok Sabha, kita ki long u Dr Jemino Mawthoh bad u bah Paul Lyngdoh.

Na ka liang jong ka UDP kan dang ia kren bad ki wei ki party kiba don lang ha ka MDA ba lada long kaba lah ban pynieng tang u wei u kyrtong ban poi sha ka jingjop la ong u Bah Bindo, ha ka juh ka por u la ong ba kane ka dei tang ka jingtyrwa na ka UDP la kiwei ki party ki ia mynjur ne em bad kane ka jingtyrwa jong ka UDP.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet