Pynban ka Hima Mylliem, yn ai marshiteng sha ki nongiathuh mano ba bret niut na ka kuna

Ka iewduhShillong, Nailar 31: Ka Hima Mylliem mynta ka sngi kala pynlong ia ka jingialang paidbah jong baroh ki nongshong iew ha Iewduh ban ia kren halor ka jingkhuid jingsuba jong kane ka iew kaba heh tam ha Meghalaya kaba don ruh ha poh jong ka Nongbah jong ka jylla.

Ha dien ka jingialang kaba la bun ki nongkren, ka Hima Mylliem kala pynbna paidbah ia ki lai tylli ki rai ha kane ka sngi, ban ia shnoh kti lang da baroh ban wanrah ia ka jingkhuid jong ka iew, ia ki nongiathuh mano ba bret niut na ka kuno kaba kin dain na u nongbret mar shiteng na kata kim ai sha u nongiathuh.

Ki dukan kiba dei ia ki plastic ki hap ban leit ban register bad ka ophis jong u syiem jong ka Hima mylliem mardor bad la ki nongthied ki shah bat ba thied politick ki dei ban ialam ia ka dukan kaba ki thied bad ka jingpynshitom kan long ia u nongdie. Ka kumna ia ki nongdie kiba khlem register bad ka ophis jong u Syiem ka Hima Mylliem kan long shilak tyngka bad mar shiteng kan leit sha u nongiathuh.

Ha kane ka jingialang kaba la long ma Madan Student, kiba la kren ki long u Bah W Kharkrang na ka ophis jong ka Meghalaya Polution Control Board, u EM jong ka KHADC u Bah Latinglang Kharkongor na ka liang jong ki nongiew la kren da u Bah Arkelius Dohtdong.

Ha kane ka sngi lakhang ia baroh ki dukan hapoh Iewduh na ka bynta ban bethah ia ki nongshong  iw baroh ba kin ia poi sha kane ka jingialang paidbah ban pynshai ha kaba ia dei bad ki ain kiba ia dei bad ka jingleh khuid ia ka iew ka hat. Ia ka jingialang la pyniaid da u Syiem ka hima u pa’im Ricky Nelson Syiem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet