Shillong, Naitung 14: Ka tnad ka koit ka khiah ka sorkar jylla kala shim khia bha ha kaba ia ki draibar kiba niah ia ki kali ba kit ia ki nongtrei ka tnad ka koit ka khiah kala pynbiang ia ki PPEs, ym tang ia ki draibar hynrei ia ki nongbut jong ki.
Haba u SP News Agency u la ioh ban ia kren bad kine ki nongniah ia ki kali ban leit shaw leit buh ia ki nongtrei jong ka tnad ka koit ka khiah khamtam ia kiba trei ha ki Hospital kila ong ba ka kali kaba ki niah ka long tang hapoh ka nongbah Shillong.
Kila pynpaw ia ka jingsngewkmen haba ki niah iaki kali kila ioh ia ki PPEs ba kin phong haba ki leit sha shaw ne leit ban buh ia ki nongtrei na kawei ka jaka sha kawei pat, la ong ba ia kine ki PPEs la ai na ka tnad ka koit ka khiah.
U Dr Aman War Director ka tnad ka koit ka khiah la ong ba ka jingsam ia ki PPEs ka shnong ha ki District iano ban ai, haba ki District ki pan na ka department kala phah katkum ka jingdon kam jong ki District.
