Shillong, Naiaiweng 17: Ka Deputy Commisisoner jong ka East Khasi Hills District mynta ka sngi kala pynmih ia ka jingpynbna ba naduh la shai ka sngi la shah ia ki kali kamai ban kit briew 100% na ka jingdon ki jaka shnong, kane kan long ruh ia ki kali jong ki riew shimet.
Kane ka jingshah ia ki kali ban kit briew 100% ha ka kali kan long tang ha ka por ba pynlait ia ka korphiew kata naduh 5.00 baje mynstep haduh 10.00 baje mynmiet bad kane kan long tang hapoh ka East Khasi Hills District.
Ha ka juh ka por la bthah ba kiba niah ia ki kali ki dei ban da thoh shai la ki la dep ai tika ne em, ki dei ban deng arsyrtap ki jingda khmut lane ki dei ban deng da ka jingda khmut ka N.95 kane kan long kum juh ia kito kiba leit ba wan da ki kali jong ki riew shimet.
La ong ba ka jingpyndon kam ia ki jingsait kti ka long kaba don kam bad ki kali ki dei ban plie ia ki jingkhang ban ioh lyer bad ki nongnaih kali ki dei ban long kiba phikir ban but ryntih ia ki kyndon kiba la buh.
La da lap ba don kiba pynkhein ia kitei ki kyndon kiba la buh ki shan pynshitom katkum ki kyndon jong ka ain, kane ka long katkum ka jingbthah kaba la pynmih da ka Deputy Commissioner ka East Khasi Hills District mytna ka sngi.
