New Delhi, Kyllalyngkot 18: Ka Election Election Commission jong ka Ri India mynta ka sngi kala pynbna ia ka Election MLA sha ki lai tylli ki Jylla jong ka dong shatei lam mih ngi jong ka Ri India, ka Jylla Nagaland, Meghalaya bad Tripura. Na ka bynta ka Jylla Meghalaya ka sngi thep vote kan long ha ka 27 Rymphang 2018.
Katkum ka jingpynbna jong ka Election Commission jong ka Ri India mynta ka sngi, ka long ba ia ka jingpynbna sorkar ha kaba ia dei bad kane ka Election kan long ha ka 31.01.2018.ka sngi ba kut ban thep ia ki Nominations 07.02.2018 .Ka sngi ban bishar bniah ia ki nomination kan long ha ka 08.02.2018 .Ka sngi kaba khatduh ban weng kyrteng lada ki kyrteng ki kwah ban weng noh na ka jingiakhun kan long ha ka 12.02.2018.
Ka sngi thep vote kan long ha ka 27.02.2018 sngi Palei bad ka sngi niew vote kan long ha ka 03.03.2018. Ia ki kam kiba ia dei bad ka election ha kane ka Jylla Meghalaya dei ban pyndep ha ka 05.03. 2018. Ka iing dorbar kaba mynta jong ka Meghalaya Legislaitve Assemblt kan kut ha ka 06.03.2018.
Ka jingdon ki nongthep vote ha kane ka Jylla Meghalaya na ka bynta kane ka MLA elelction 2018 ki 18,30,104 lakh ngut bad ki polling station kin don 3082 tylli ha baroh kawei ka Jylla bad baroh ki nongthep vote kila don ia ka Election Photos Identity. Ka jingthep vote ha ka Jylla Meghalaya kan long ha ka juh ka sngi.
Ka Election hapoh ka Jylla Nagaland kan long ha ka juh ka sngi kumba ka long ha ka Jylla Meghalaya , katba ka Election hapoh ka Jylla Tripura kan long ha ka 18.02.2018. Kane election ha kine ki Jylla ruh kan long ha ka juh ka sngi.
