Pynbna ka HFU ban pynlong ia ka dorbar bah ki nongrep ha u bnai Lber, 2020 ha Shillong

Shillong, Naiwieng 07: Ka Hill Farmers Union (HFU) dang shen kala pynlong ia ka jingialang paidbah bad ka la shim ia ki rai kiba ia dei bad ka jingmyntoi jong kinongrep khamtam ban dawa pynbna ia u snem 2020 kum u snem ki nongrep ryngkat ka song pisa kaba kyrpang bad kum juhruh ban pynlong iaka jingialang paidbah kaba nyngkong ha ka 24 tarikLber, 2020 ha Shillong.

Ha katei ka jingialang ka HFU kala shim ia karai ban ieng skhem  ha ka nongrim ban nym shah ban ot kilo iaki mar jong ki nongrep kiba wan die ha iewduh , ha iewMawlong laitnoh tang ia ka khoh,ka kriah, pla byrni. Ia kane karai la shim kat kum ka hukum ba la pynmih da u Syiem ka Hima Mylliem.

Ha kane ka jingialang la shim ia ka rai ban pynlong ia ka jingialang paidbah jong ki nongrep ha ka 24 Lber 2020 bad ka jaka kan long ha Madan Student Jaiaw. La behtha ia baroh ki shnat treikam ba kin pyntip ia kane sha la ki jong ki jong ki jaka kaba ki don bad la kyrmen ban poi kumba 50 hajar ngut ki nongrep.

Ka HFU ka  pynkynmaw ia ka sorkar ba kadei  ban pynbna ia u snem 2020 kum u snem jong ki nongrep  bad kin pynkynmaw ia ka sorkar ba ka dei ban pyntreikam iaki skhim bapher bapher na ka bynta ki nongrep ha ryngkat ka HFU.

Na ka liang jong ka HFU kan dang iai trei shitom bad ban pynsngewthuh ia ki para nongrep ha kaba kin pynrung dkhot ruh sa shilak ngut khang ba ka seng kan don noh iala ka jing ka ophis trei kam ka jong ki

Ha katei ka jingialang u President ka seng  u la pynskhem ruh ia ki nongkit kam jong ka Sohiong Block, Bhoi Rymbong Block, Nongklung Cirle, Mawlyngngot Circle.

 

 

 

What Next?

Recent Articles

Leave a Reply

Submit Comment

*