Shillong, Risaw 30: U bah Paul Lyngdoh Executive member ba dei peit ia ka khaii pateng bad u Bah Jambor War Executive Member ba dei peit ia ki Iew, kila pynbna ba ha ka jingialang kaba la long mynta ka sngi ha ka jingiadon lang u Syiem jong ka Hima Mylliem kila shim ia ka rai ba naduh mynta la khang syndon ia baroh ki jaid pla plastik ban nym shah shuh ban pyndon kam.
Haba kren ha ki lad pathai khubor u la ong ba ki dukan kiba dang die ia ki plastik ki dei ban pynlut noh hapoh jong ka shiphew sngi bad ha dien kata lada lap yn pynshitom ia ki katkum ka ain “Environmental Protection Act” jong ka sorkar pdeng bad ka jingpynshitom kan long katkum katei ka ain.
Haba ia dei bad kane ka jingkhang ia ka pla plastik la bethah ia baroh ki hima bad ki rangbah shnong ba kin pynbna ia kane ka jingkhang pyrshah ia ka pla plastik ha ki shnong ki thaw hapoh u pud u sam u ba hap hapoh jong ka KHADC.
Na ka liang jong u bah paul u la ong ba kane ka jingkhang ban dei ia ki pla plastik ka jingjop kala long kumba 85% bad u don ka jingkymren da ka jingsngewthuh bad ka jingiatreilang u paidbah un lah ban khang syndon ia ka jingpyndon kam ia ki plasitk.
Naka liang jong ka KHADC kan thoh ruh sha baroh ki DSEO jong ki skul ba kin hikai ia ki khynnah skul kumno ban bret ia ki jingbam ba song ha ki plastik namar kumba ka long mynta bun ki jingbam la song ha ki plastic.
