Shillong, Nailar 30: Ka kong Sarita Lyngdoh Nongpiur,ka kurim jong u Bah Founder Strong Cajee MLA barim jong ka Mawlai bam kwai ha dwar u blei, mynta ka sngi kala pynbna paidbah ha ka jingialang kaba la long ha iing jong ka ba kan ia khun ha kane ka MLA Election 2018.
Ha kane ka jingialang kaba la long mynta ka sngi bun na ki nongkyrshan jong ka seng Congress khamta ki dkhot jong ka seng Greater Mawlai People Union (GMPU) kila ia don lang ha kane ka sngi bad ryngkat ki ba bun ki riew rangbah na ka constituency Mawlai hi baroh kawei.
Na ka liang jong ka kong Sarita kala pyrshang ban pan Tiket na ka seng Peaople Democratic Front (PDF) hynrei la sngewthuh ba na ka liang jong ka PDF kan nym ai tiket, dei halor kane ka nongrim ba mynta ka sngi kala pynbna ban ia khun noh kum ka kyrtong shimet katkum ka jingkwah jong ki paidbah.
Ha kane ka sngi ba ka pynbna ban ia khun ia ka Election ka kong Sarita kala kren shai ba ka jingiakhun jong ka kam dei ka kam ban shu ialeh tamasa hynrei da ka mynsiem kaba khia kala shim ia kane ka rai ban mih sha khmat ban ia khun ia ka election haba ka iohi ba bun ki paidbah ki leit ban ud ban nam.
Ban kyntiew ia ka Mawlai kan nym lah ban leh marwei hynrei don kam ia ka jingiatreilang jong ki riew rangbah ki paidbah nongshong shnong bad ka thong ka jong ki ka long ban peit kyrpang eh ha ka ioh kam ioh jam lada kamd ei eh ha ki kam sorkar ruh. Kala ong ba mynta ka dang ap ia ka tiket.
