Pynbna ka NEHU ba iaki ia ki eksamin ba dei la shai ka sngi la pynkynriah noh 

Shillong, Nohprah 09: Ka skul bah ka North Eastern Hill University mynta ka sngi kala pynmih ia ka jingpynbna jong ka ba na ki daw kiba ym lah ban kiar ia ki eksamin kiba la buh ban long la shai ka sngi 10/12/2019 la pynkynriah noh.

Na ka bynta ka eksamin B.Ed, first semester kaba la buh ban long la shai ka sngi la pynkynriah noh sha ka 17 tarik mynta u bnai bad ka por kan long naduh 9.00 baje mynstep haduh ka por 12.00 baje shiteng sngi.

Ia ka Eksamin LLB third semester kaba la buh ban long la shai ka sngi la pynkynriah sha ka 21 tarik mynta u bnai bad ka por thoh eksam kan long naduh ka por 10.00 baje mynstep haduh ka por 1.00 baje noh phai sngi.

Kane ka long katkum ka jingpyntip kaba la pynmih lyngba ka ophis jong u Controller ba dei peit ia ki examin jong ka skul bah NEHU mynta ka sngi.

La bthah ia baroh ki tnad pule bad ki kolej ba kin pynkynriah ia ki eksamin kiba la buh ban long ha ka 10 tarik la shai ka sngi na ki daw kiba ym lah ban kiar. Ia ki eksamin ki dei ban pynlong kloi katba lah da kaba pyntip  sha ka ophis jong u Controller examination jong ka NEHU.

 

What Next?

Recent Articles

Leave a Reply

Submit Comment

*