Pynbna ka NPP sa lai ngut ki kyrtong ban ia khun ia ka MLA Election ha u 2018

Shillong, Naiwieng 19: Ka State Election committee (SEC) jong ka seng National People’s Party (NPP) jong ka jong ka jylla Meghalaya mynta ka sngi kala pynlait ia ka thup kaba ar jong ki kyrtong ki ban ia khun ia ka MLA Election ka banlong ha u snem 2018 mynta ka sngi.

Kine ki lai ngut ki kyrtong kiba ka party NPP kala pynbna paidbah mynta ka sngi ki long u Bah Pyniaid Sing Syiem u ban ia khun na ka 13-Mawryngkeng LA Constituency, u Bah Jigur Myrthong na ka 34-Mawshynrut LA Constituency bad u Bah Don Kupar Masar u ban ia khun na ka 35-Ranikor Constituency.

Baroh kiba ka seng NPP kala pynbna ia ki kyrtong ban ia khun ia ka MLA Election na kane ka party kala kot sha ka 27 ngut na ki 60 tylli ki Assembly Constituency ha kane ka jylla Meghalaya. Ia kane ka rai ban ai tiket ia ki tei ki lai ngut la shim ha ka jingiashong jong ka SEC jong ka party NPP hapoh ka jingpyniaid jongu Dr WR Kharlukhi. Ia kiwei ki kyrtong yn sa pynbna noh shen.