Naiwieng 01: U president ka seng Hynniewtrep National Youth Movement (HNYM) bah Louis Dohtdong mynta ka sngi u la pynbna ba ha ka sngi Thohdieng ban wan kata ha ka 4/11/2022 kin pynlong ia ka jingiakhih shong kyllain mungor ha khmat secretariat.
Haba kren ha ki lat pathai khubor u presdent ka seng la ong ba kila shim ia kane ka rai namar ka sorkar kam shym la leh ei ei ia ka jingdawa ka seng kaba la kut ha ka 30/10/2022 ban shna ia ka ain ban pynioh kam 80% ia ki trai jylla.
Ka seng naduh 20 /Risaw/ 2022 kala phah jingthoh shaka sorkar ryngkat bad ka jingdawa ban thaw daka Policy thungkam 80% iaki samla trai jylla haki kompeni shimet hynrei haduh mynta naka liang ka sorkar haka jingialam da u myntri rangbah ka jylla u Conrad K Sangma ka dang leh kyllut iaka jingdawa ka seng.
U bah Louis ula ong ba ki jingiakhih kin dang bteng biang sa haka 7 tarik bad lada ka sorkar ka dang iai leh kyllut, ka seng ruh kan dang pynjur shuh shuh iaki jingiakhih ha ki sngi ban wan.
