Pynbna ka sorkar ia ka “Lock Down” ban iada na u khniang jingpang COVID-19: Prestone

Shillong, Lber 23: U symbut myntri rangbah ka jylla u Bah Prestone Tynsong u la pynbna ba ka sorkar kala shim ia ka rai ba naduh la shai ka sngi ka Iewduh kan khang naduh la shai ka sngi 24 tarik Lber mynta u bnai haduh ban da pyntip da kumwei pat.

U Symbut myntri rangbah u la iathuh ba ha ka jingialang kaba la long mynta ka sngi hapoh ka jingpyniaid jong u myntri rangbah u Cornad K Sangma ka sorkar kala shim ia ka rai kaba ka sorkar kam banse ban shim ia ki rai ban iada ia une u khniang jingpang ba sherkhei.

Ki rai kiba ka sorkar kala shim ka long ba naduh la shai ka sngi, kata ka 24 tarik bad 25 tarik, nangta  kan don biang ka jingpakhang ha ka 27 tarik, 28, tarik bad ka 29 tarik ia kaba la tip kum ka “Lock Down” kane kam dei ka korphiew hynrei kan long ka jingkit khlieh marwei marwei ban ialeh pyrshah ia u ne u khniang jingpang.

Ha ka 26 tarik Lber 2020, ka sorkar kan pynlait ia ki paidbah ba kin ioh ban leit ban thied ia ki marbam mardih katkum ka jing donkam jong ki paidbah. Ha kane ka sngi yn buh ia ki iew die jhur, die doh ha Anjelee Point kaba hap hapoh jong ka Cantonment Police Out post, ha Lad Smit, ha madan Umdingpun ha 7th Mile Upper Shillong bad ha ki bynta jong ka Mawlai yn dang pynbeit, la ong u bah Prestone.

U Symbut myntri rangbah ka jylla u la ong ba ha kitei ki sngi pakhang baroh ki ophisar sorkar kin khang lut bad ha ka 26 tarik ki nongtrei sorkar ki ban poi sha ki jaka trei kan long tang 30% na ki nongtrei ophis.

U Symbut myntri rangbah u la ong ba la pynlait na kane ka jingkhang, ia ki shipai, ki nongtrei ha ki jaka ai jingsumar, ki jaka die dawai, kynthup ia kiba trei hapoh ka tnad ka koit ka khiah, kiba trei hapoh jong ka MeECL, kiba trei hapoh jong ka tnad sam um, kiba trei hapoh ka tnad shna surok, ki pulit, ki shipai, ka tnad pynlip ding, ka tnad sam bam sam dih, Telecom, Telegraph,IT Services ki bank bad ki ATMs.

La pynlait ruh ia ki kali kiba kit ia ka leit ka wan jong ki shipai, ki kali kiba kit ia ki marbam mardih, ki kali kiba kit ia ki dawai, ki kali kiba kit ia ki mar ki mata ia ki la shah ba kin iaid, hynrei ia ki nongniah bad ia ki nongbud jong ki kali la hap ban peit bniah ia ka koit ka khiah ka jong ki katkum ki kyndon kiba la buh.

Haba nongbah Shillong ha ka 26 tarik Lber 2020 ki kali jong ki riew shimet kaba la shah ba kin iaid kan long tang kito kiba don ia u number palate ba kut 24 bad 25 ia kiba la tip kum ki odd numbers, ki kali kiba don ia u Even numbers ki number kiba kut ha ka 26, 27 bad 28 kiba dei ki odd numbers bad kiba kut ha ka 29 kiba dei ki even number.

Haba ia dei bad ki Bank kala don ka jingiapynbeit baka jingtrei kam kan long naduh ka por 10.00 baje mynstep haduh 2.00 baje noh phai sngi, namar ka jingduna briew ha ki bank, ka jingtrei kam jong ki bank kan long tang ban thep bad sei pisa, ka ATM, ban pynlait ia ki Cheque bad ka jingpyniaid ia ka kam pisa jong ka sorkar.

Kitei ki dei ki rai kiba ka sorkar kan trei kam naduh mynta ka jan miet, haduh ban da pynbna da kumwei pat. Na ka liang jong u symbut myntri rangbah u da kyrpad ia ki paidbah nongshnong shnong jong ka jylla Meghalaya baroh kawei ban nym don ka jingsngew syier bad lada lah ban bud ia kine ki kyndon u ne u khniang jingpang ynnym ioh lad ban wan sha kane ka jylla Meghalaya.

Ha ka juh ka por u Bah Prestone u la pynpaw ia ka jingsngewnguh ia ki paidbah ka jylla, naduh ki balang, ki dorbar shnong, ki seng bhalang bad ia baroh  kiba la kloi ban ia treilang ha kine ki sngi bad ka sorkar, la kyntu ruh ba kin dang iai ai kane ka jingiatreilang ban ialeh pyrshah ia u nong u khniang jong pang COVID-19 u ba sherkhei u ba la ktah ia ka pyrthei baroh kawei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet