Pynbna ka sorkar ia ka MDC election shiteng samoi hapoh jong ka KHADC, JHADC

Shillong, September 27: U Commissioner bad Secretary, District Council Affairs Department, jong ka sorkar jylla mynta ka sngi u la pynmih ia ka jingpynbna sorkar bad ka Election MDC shiteng samoi sha ka  Khasi Hills Autonomous District Council bad  Jaintia Hills Autonomous District Council kan long ha ka 13 tarik jong u Nohprah mynta u snem.

Kine ki konstitwensi kiba tylli ki long ka  8-Nongkrem, 15-Laban-Mawprem, 22-Nongspung-Sohiong, 23-Mairang-Nongkhlaw, 24-Pariong-Mawthadraishan bad 28-Rambrai-Jyrngam Constituencies hapoh jong ka  Khasi Hills Autonomous District Council bad ha 1-War-East Constituency jong ka  Jaintia Hills Autonomous District Council.

La ong b aka sngi ban pynmih ia ka  draft Electoral Roll kan long ha ka 10-10-2016, bad ka sngi ban pynrung bad weng kyrteng lane ban ujor lane pynrung ia ki kyrteng kan long ha ka 25-10-2016, bad ka jingpdiang ne kyntait ia ki jingkwah rung kyrteng ne jing ujor kan long ha ka 15-11-2016, bad ia ka electoral roll kaba biang yn pynmih haka 18-11-2016.

Ka jingiathep kyrteng na ka bynta kito kiba kwah ban ia khun ia ka elelction kan long ha ka  21-11-2016, bad ka tarik ba khatduh ban thep kyrteng kan long ha ka 28-11-2016 shuwa ka lai baje jan miet. Bad ka sngi ban bishar bniah ia ki kot thep kyrteng kan long ha ka 28-11-2016 ha dien ka lai baje bad ki ba kwah ban weng noh na ka jingiakhun kan long ha ka  01-12-2016.

Ka jingai ia ka shap sha ki nongiakhun kan long ha ka  03-12-2016, bad ka jingthep vote haka 13 tarik nohprah kan long naduh ka por 7 baje mynstep haduh ka por 4 baje janmiet bad ka jingniew vote kanlong ha ka 16 tarik jong u bnai Nohprah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet