Pynbna kyrtong MLA ka HSPDP na ka bynta ka election MLA, 2018 na ki 10 constituency

Shillong, Nailar 24: Ka seng HSPDP mynta ka sngi kala pynbna ia ki kyrtong ki ban ia khun ia ka MLA Election ha u snem 2018. Ia kane la leh da ka  State Election Committee jong ka seng HSPDP kaba la long mynta ka sngi. Ha kane ka thup ba nyngkong ka seng ka la pynbna shwa tang na ka bynta ki 10 tylli ki constituency bad ia ki constituency ba dang sah yn sa pynbna ha kine ki bnai ban wan.

Ki kyrteng bad ki constituency jong ki kyrtong ki long, Rambrai-Jyrngam constituency, Bah Phlastingwell Pangniang, uba long u MLA ba mynta  jong katei ka Rambrai constituency, Mawshynrut constituency u Bah Witting Mawsor, uba long u MLA ba mynta  jong katei ka constituency.

Na Nongstoin constituency u Bah Diosstarness Jyndiang, uba long u MLA ba mynta jong katei ka constituency. Na Mawthadraishan constituency ka  Kong Biolinda L. Nonglait, na Sohiong constituency u Bah Samlin Malngiang, MDC jong ka Sohiong- Nongspung, Mawphlang constituency u Bah Pynshai Manik Syiem, uba la ju long u MLA bad Myntri Sorkar mynshuwa bad kumjuh ruh u MDC.

Na Mylliem constituency ka  Kong Teilinia Thangkhiew,MDC Mylliem bad ka Kynthei ba nyngkong eh ban bat ia ka shuki Chairman ha KHADC. Na Mawkynrew constituency u Bah Martle. N. Mukhim,uba la ju long u MLA bad Myntri Sorkar bad kumjuh ruh kum u MDC. Na North-Shillong constituency u  Bah Alester Neville Diengdoh, uba na Riatsamthiah. Na Sutnga Saipung constituency u Bah Defender Pakem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet