Shillong, Nohprah 17: U Myntri ba dei peit ia ka tnad pule puthi jong ka jylla u bah Lahkmen Rymbui u la pynbha ha ka sngi ba ka Nabon Women’s Synod College ka rakhe ia ka jingdap 25 snem ba ia ka Kolej ha Patharkhamah ym plie noh u snem thymmai 2022.
Halor ka tei ka jingpynbna u myntri ka tnad pule puhti ban sdang noh ia ka Kolej kala wanrah ia ka kmne ha ki paidbah katei ka thain Patharkhamah ka dei dei ka Administrative Unit hapoh jong ka Ri Bhoi District bad ka dei ka jaka ba dang sah dien ban ia nujor bad kiwei ki bynta namar ka kham jngai na ka Nongpoh ka nongbah jong ka Ri Bhoi District.
Kane ka jingpynbna jong u myntri ka tnad pule puthi ha katei ka jingrakhe ia ka jingdap 25 snem katei ka Nabon Women’s Synod College kala wan rah ia ka jingkmen ia ki briew katei ka thain ha kaba ki khun samla kin ioh ia ka jingpule hala ka jong ka thian bad ka dong.
Kane ka jingplie ia ka Kolej ha katei ka jaka kan iarap ruh ia ki long iing kiba duk kiba rangli kiba ym lah ban kot bor ban phah ia ki khun kitei jong ki ban phah pule sha Shillong, Sha Nongpoh ne sha kiwei ki bynta jong ka jylla, da kane ka jingdon katei ka Kolej kan ai lad ia ki samla ban ioh ban bteng ia ka jingpule jong ki hala ka jong ka shnong.
