Pynbna u Bah Prestone ban pynlong ia ka “Tamasa pynibam” ba lai sngi ha NEHU

Shillong, Jylliew 19: U Myntri symbut rangbah ka jylla u Bah Prestone Tynsong mynta ka sngi u la pynbna ban pynlong ia ka “Tamasa Pynibam” ba lai sngi ha phyllaw jong ka North Eastern Hill University ka ban long naduh ka 04th haduh 6th tarik u bnai Nohprah 2019.

Haba kren ha ki lad pathai khubor mynta ka sngi ha Pinewood Hotel Shillong, u symbut myntri rangbah ka jylla u la ong ba ia kane ka tamsa yn ia treilang hapdeng ka sorkar jylla, ka Salon International De 1’Agroalimentaire na ri France bad kum juh ka Inter Ads New Delhi.

U Bah Prestone u la ong ba kim don kiwei ki Ri na ka pyrthei kin wan ban ia shim bynta lang ha kane ka tamsa jingpyni nam ki jingbam, hynrei ia mynta ym pat lah ban ong namar ia ka rai dang shu shim mynta ka sngi. La ong ba ha kane ka tamasa yn pynikyrpang ia ka jingbam tynrai ki briew na kane ka thain shatei lam mih ngi jong ka Ri India.

Kum kane ka tamsa kan long kaba nyngkong ha North East bad kaba ar ha India ba ka SIAL na Ri France kan pynlong. Ka Adeline Vancauwelaert Director jong katei ka seng na Ri France kala long ba kane ka long ka sien kaba nyngkong ha North East bad kan long ka jingmyntoi ia ki paidbah kane ka thain.

U R K Chibba Director jong ka Inter Ads, u la ong ba kane ka long ka lad ia ka North East ban pyni sha ka pyrthei bad ha ka juh ka por ka pyrthei kan iohi ia ka North East. Kum kane ka jingpynlong kan iarap ha kaba kyntiew ia ki kam jngohkai pyrthei.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet