Pynbna u Conrad ban ai ia ka Ranikor Civil Sub Division, la thinka ban hiar shuki MLA u Martin

Ranikor 1Shillong, Jylliew 12: Ha ka jingialang paidbah kaba la long mynta ka sngi ha Ranikor u myntri rangbah ka jylla u Conrad K Sangma u la pynbna paidbah ban ai ia ka Ranikor Civil Sub Division, da kane ka jingkular kala pynthikna ba u Martin M Danggo MLA jong ka seng Congress un hiar shuki noh kum u MLA bad ban ia khun ia ka election shiteng samoi na ka party NPP.

Ha kane ka jingialang paidbah ha khmat jong u Myntri rangbah ka jylla u ba dei ruh u national president jong ka seng NPP baroh ki Block Congress Committee kila resign lut baroh bad la pyndon ia ka Ranikor Block Congress Committee ha kane ka sngi.

Ha kane ka jingialang paidbah na ka liang jong u MLA jong ka Ranikor u la kren shai ba kan dang ka election shiteng samoi bad kane ka jingkren ka jong u la kala pynthikna ba un hiar shuki noh kum u MLA bad ban ia khun biang ia ka Election MLA na ka 35- Ranikor Constituency na ka seng NPP.

Ha kane ka sngi ki nongialam jong ka NPP kiba la ia don lang ki long u symbut myntri rangbah ka jylla u Bah Prestone Tynsong, u Bah Sniawbhlang Dhar myntri cabinet u Deputy Speaker jong ka iing dorbar U T D Shira, U Myntri kam poh iing u James K Sangma bad bun kiwei ki nongialam kila ia don lang ha kane ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet