Shillong, Nailar 01: U Deputy Commissioner, jong ka West Khasi Hills District u la pynbna paidbah ba la pyntrei kam ia ka skhim “ UJALA” hapoh jong ka District baroh kawei. Kane ka skhim ka long ba ka sorkar ka die tad dor ia ki bulb light kiba don 9WT kiba bam duna light haduh katta katta.
Kine ki bulb light kiba la tip kum ki Light emitting diode (LED) ki kham bha shibun ban ia ki CFL bulb , ka dor jong ki ka long T.70 tyngka u wei katba ka dor iew jong une u bulb ka long T.200 haduh T.300/- tyngka u wei. Kine ki bulb kin neh haduh 5000 kynta.
Ia kine ki bulb light la ai ka jingbah khlieh na ka bynta lai snem lada ki duhnoh hapoh jong katei ka por ki nongthied ki lah ban leit ban pan thymmai da u wei. Kawei kawei ka iing kiba don ia ka Bill Light ki lah ban thied haduh 10 tylli ki bulb. Ia kine ki bulb lah ban ioh na DC Ophis Nongstoin. La kyntu ia ki paidbah jong ka West KHasi Hills District ba kin thied ia kine ki bulb light.
