Pynbna u DSEO ka EKH District ka interview kam nonghikai  Arts ha ki UP Skul ha Kyllalyngkot

Shillong, Nohprah 26: U District School Education Officer (DSEO) jong ka East Khasi Hills District u la pyntip paidbah ba ka jingkhot ‘Interview’ na ka bynta kito kiba la shah jied na ka bynta ki kam hikai Assistant Teaceher ha ki Government Upper Primary School kan sadng ha ka 5th Kyllalingkot haduh ka 21 Kyllalyngkot 2021 ha K.J.P. Girls’ Higher Secondary School, Mission Compound, Shillong.

Ha ka jingpynbna kaba la pynmih ha ka 16th Nohprah 2020, na ka liang jong u DSEO la ong ba kito kiba kyrteng kiba la paw ha ka jingpynbna ba kin poi sha kane ka jinginterview ki dei ban ran lang bad ki ia ki kot ki sla kiba don kam kumba la bthah da ka tnad Director of School Education & Literacy, Meghalaya, Shillong.

Katkum ka jingpynbna lyngba ka ophis jong u DSEO baroh ki ba la paw kyrteng na ka bynta ka kam hikai Arts ki long 276 ngut, kane ka interview kan sdang ha ka 5th Kyllalyngkot bad kan kot ha ka 21th Kyllalyngkot 2021. Kiba la shah jied kin poi sha katei ka interview katkum ki tarik kiba la buh.

Na ka liang ka ophis jong u DSEO ha ka jingpynbna la ong ba ka ophis kan nym phah shithi shaki ba apply ia kine ki kam hikai hynrei ki dei ban poi sha kane ka interview katkum ki sngi bad ki tarik kiba la buh ia ka kyrteng jong ki.

 

 

What Next?

Recent Articles

Leave a Reply

Submit Comment

*