Shillong, Iaiong 25: Mynta ka sngi ka ka seng HITO jong ka Jaintia Hills District kala hair sha ka shnong Phramer ban pyndam ia ka jingthoh kaba la thoh “Garampani” bad la thoh da ka kyrteng shnong Saphai.
Kane ka jingleit ban pyndam jong ka HITO ia katei ka jingthoh kam dei ba ki leh beain hynrei ki leh ia kaei kaba ka sorkar Meghalaya kala dep ban pynkylla. Katkum ka jingpynkylla na ka tnad General Administration kala shim ia ka rai ha ka 14 Lber 2017 ba ia ka kyrteng “Garampani la pynkylla sha ka “Saphai”.
Wat la ka sorkar kala pynkylla naduh u snem 2017 ba kan dei noh Saphai, hynrei ka dang sah kajuh haduh mynta ka sngi dei na kane ka daw ba mynta ka sngi u President ka HITO Jaintia Hills u bah Lawyerson War ba dei ruh u synrop secretary ka seng kmei u bad ki dkhot ka seng kila pyndam noh ia ka kyrteng Garampani bad thoh noh da ka kyrteng shnong Saphai.
Haba ia dei bad ka jingmih khubor ba hap ban pule ia ka ktien Hindi ha ki skul, na ka liang jogn ka seng ka kyntu a ka sorkar pdeng ba ka dei ban pynrung noh ia ka ktien khasi sha ka khyrngit kaba phra.
