Pyndem u bah Junel Area Commander ka seng lehnoh HNLC ha khat ki shipai BSF ha Umkiang

Shillong, Nohprah 30: U dkhot jng ka seng lehnoh HNLC u bah Junel Tongper ba dei u Area Commander ba dei peit ia ka Jaintia Hills mynta ka sngi u la pyndem ia lade ha khmat u  Inderjit Singh Rana, IG BSF Meghalaya Frontier ha Umkiang Border Outpost  ha East Jaintia Hills District.

U bah Tongper u la pyniasoh bad ka seng lehnoh HNLC ha u snem 2010 bad ha dien bala shah pyntbit u la trei na ka bynta ka seng lehnoh ha Jaintia Hills, dei ha u snem 2015 u la shah kem ha ki pulit jong ka jylla Meghalaya hynrei la pynlait ia u na phatok da ka jingbah jamin bad ha dien ba la lait jamin u la shu jahnoh.

Ha u Naiwieng jong u snem 2020 u la leit ban pyniasoh biang bad ka seng lehnoh bad la leit bad la leit sha Bangladesh Pannaipunjee ba hapoh jong ka Moulvibazar district ka Ri Bangladesh.

Haba la wan phai biang sha ka imlang sah lang, mynta ka sngi u la phla ha khmat ki BSF ba u la shah ialam bakla ha ka seng lehnoh HNLC bad kiwei ki samla kiba khlem kam khlem jam bad kiba khlem pat don ka jingnang jingstad da kaba shim kabu ia ka jingduk ban pyndon kam ia u ha ki kam beain.

Na ka liang jong ki BSF kin shim ki lat ki lynti baroh ban iarap ia ki samla kiba shah ialam bakla ban ai jinghikai ia ki ba kin lah ban ieng hala ki jong ki kjat, ka jingiakren bad u Junel bad ki BSF ba un wan ban pyndem noh ha khmat ka ain bad ka jingtrei shitom jong ki BSF kala sei soh mynta ka sngi.

Ha ka jingiakren bad u Junel na ka liang jong u IG BSF u la ong ba u sngewthuh ba ka daw jong ka jingleit ki samla sha ki kam lehnoh dei ka jingbyndon kam don kam, na ka liang jong u ki BSF ki kyntu ia ki rangbah shnong ban ia ktreilang ban pynlait ia ki samla ba kin poi sha ka lynti kaba bakla, la pynshlur ia ki khun samla ba kin rung ha ki kam shipai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet