Shillong, Lber 03: Mynta ka sngi u wei u lehnoh na ka seng GNLA u la wan ban pyndem wait ha khmat jong ki pulit jong ka Baghmara, hynrei ha kane ka jingpyndem um shym la wanrah kano kano ka tiar ialeh.
Une u ba wan pyndem wait mynta ka sngi la tip kyrteng kum u Chadam Ramed M Marah, u ne u la leit ban pyniasoh bad ka seng GNLA ha u snem 2015 bad u dei na ka kynhun ia kaba hynniew ka shong jong u ka dei na Rongtol.
Une u la phet na ka jaka rieh jong bad u la poi sha Siju ha ka meit 2 tarik mynta u bnai bad u la phah ia ka khubor ba u kwah ban pyndem noh ha khmat jong ka ain bad mynta ka sngi u la leit ban aiti ia lade ha khmat jong ki pulit jong ka Baghmara.