Shillong, Jymmang 14: Mynta ka sngi ki 190 ngut kiba la shah jied ban shakri ia ka Ri ha ki kam iaida khappud hapoh ka kynhun shipai Border Security Force kila pyndep ia ka jingshah hikai kyrpang ha madan Satish Yadav STC BSF, Churachandpur ha ka jylla Manipur.
Ha kane ka sngi ba kitei ki 190 ngut ki pyndep ia ka jinghikai da kaba iaid kilian ment la don lang u Paolienlal Haokip MLA jong ka 59 Saikot A/C Churachandpur kum u kongsan bad ka Shamjetsabam Sarjubala Devi ka nongiakura kala long ka symbut kongsan ha ka jingiadon lang u Umesh Kumar Nayal,PPMG,PPMDS, Inspector General STC BSF Churachandpur.
Ha ka jingkren pdiang burom u RK Mishra, Commandant ba dei peit ka STC BSF, ha ka jingkren pdiangburom ia u kongsan bad symbut kongsan bad ia baroh kiba la wan ban sa khilang ia kane ka sngi sah kynmaw u la ong ba kane ka jingiaid kilan met mynta ka sngi ka long ba kine ki shim ia ka jingsamai ban shari ia ka ri bad ia kane ka jingpynsamai la shim da u Deputy Commandant u Virendra Kajala.
Ia k jingiaid kilan met la ialam da u Rahul Gora, ha kane ka sngi la ai ruh ia ki khusnam sha kito kiba la pynbit kyrpang ha ki jingialehkai bad bun jait ha ka por ba ki don ha ka jingshah hikai, ha dien ka jignkilam met kala don ka jingia pyrtan na ki nongwan peitkai ha kane ka sngi.
