Pyndkhuid bad thungdieng ka DLSA ha Krangsuri, shibun ki pla plastik ioh ban pynkhuid

Shillong, Nailar 16: Ka District Legal Services Authority (DLSA),jong ka  West Jaintia Hills District, Jowai da ka jingiatreilang bad ka Raid Buam Environmental Protection Association ryngkat ka Civil Administration Amlarem Sub-Division kila pynlong ia ka jingthung dieng  mynta ka sngi ha Krangsuri mynta ka sngi.

Haba kren ha kane ka jingialang kaba lyngkot shuwa ban thung dieng bad pynkhuid ia kane ka jaka jngohkai pyrthei ka kong D Sohtun secretary jong ka DLSA jong ka District kala ong ba ka jingthmu jong kane ka jingthung dieng bad pynkhuid ka long ban hikai ia ki briew ba ia ki jaka jngoh kai pyrthei dei ban sumar khuid.

Ha kane ka sngi la ioh lum shibun ki plastic kiba la bret da ki nongwan jngohkai pyrthei bad kala ong ba dei ban shim ia ka rai ban pynlong ia kane ka Krangsuri ka jaka kaba khlem don plastic, la ong ka kong Sohtun.

Ka kong J Kharpuri SDO Amlarem, kala ai khublei ia ki samla pule kiba la wan ban ia shim bynta ha kane ka jingpynkhuid bad thung dieng bad kyrpang ia ki nonghikai ruh kum juh ban pynlong ia kane ka jaka kaba jyrngam.

Kiwei kiba la kren ha kane ka jingialang kaba lyngkot la kren da ka D.M.K. Sangma Shadap Judicial Magistrate, Amlarem,u A.D. Sangma oc ba dei peit ia ka Amlarem, u Bah P.S., M. Surong, Public Prosecutor, District Court West Jaintia Hills bad u Bah D . Buam, President of the Raid Buam Environmental Protection Association.

What Next?

Recent Articles

Leave a Reply

Submit Comment

*