Shillong, Lber 03: Wat ha pdeng ka jingialeh kaba ki shipai BSF kila khanglad ia ka jingshallan tuh iaki Masi sha Bangladesh hynrei kine ki nongkhaii tuh ki dang ialeh pyrshah. Ha Bulaghat kishipai BSF kila hap ban pyndon kam da ki tiar siat ban pyntieng ia ki nongkhaii masi namar ba ki ia khun pyrshah.
Na Bulaghat ki shipai BSF kila ioh ban kurup haduh 88 tylli ki masi ha dien ba kila pyndon kam da kaba kawang da u Stun Grenade ban pyntieng ia kine ki nongkhaii masi, ha kane ka jingialeh ki shipai BSF kila ioh ban kem u wei nongkhaii masi ba snar jong ka Bangladesh ia kaba la tip kyrteng kum u Jasmuddin Sheikh na ka shnong Kumarghat jongka Diwanganj District ia kine masi la rah lyngba jong ka Ampati.
Ki shipai BSF kila ioh ruh ban kem ia ki Masi na Hat Thymmai kaba hap hapoh jong ka East KHasi Hills District bad kine ki nongkhaii tuh kila leh mynleh kum ki trai ban pyndon kam ha ki iew ki hat kiba don ha khappud jong ka India Bangladesh. Ia kine ki Masi la kit ha ki trok ha kaba la tap bha da ki Tilpar.
