Shillong, Jymmang 02: Ka KSU South West Khasi Hills District bad KSU Umdohlun Circle daka jingsngew khia 
halor ka jingshah pynduh jong ka skul Domiasiat Government LP School ha u snem 2007 hadien ka jingiakhih uranium.
Na ka liang jong ka KSU kala phah daka jingthoh sha u Sub Divisional School Officer Mawkyrwat ban phah plie biang ia kane ka skul ha shnong Domiasiat.Kumba long mynta, ka shnong Domiasiat ka dei kawei naki shnong ba pyrshah ban tih uranium bad ngi lah ban ong ba ka dei kawei naki shnong bym don skul Wat tang kawei ruh.
Ki long ing jong kane ka shnong ki hap ban phah skul iaki khun jong ki shaduh Wahkaji haka jingjngai ba palat iaka 10 kms eiei. Naka liang ka seng ka la kyntu ruh iaka Education Dept lyngba u SDSEO ki dei ban re-transfer biang iaki ar post nonghikai sha kane ka skul hadien ba ki la transfer noh sha kawei ka jaka ha u snem 2007.
Ka seng ka la ong ruh ba ka jingpynduh ia kane ka skul ka dei ka jingkhanglad iaki khynnah shong skul kane ka shnong ba kin roi kum kiwei ki para briew.
Naka liang ka seng ka pynpaw iaka jingkhublei ia u Bah J. Thyrniang uba dei u Sub Divisional School Education Officer ha kaba u la sngewthuh ia kane ka bynta bad ha kaba u la kular ban phah ruh ia kane ka jingujor ka seng sha ka ophis jong u Director of School Education and Literacy.
Ka KSU ka kyntu namar Kata iaka ophis jong u Director ban shimkhia halor kane bad ban Pynthikna ba ia kane ka skul yn lah ban plie Biang ha u snem 2021 hadien 14 snem ba ka la shah khang khyrdep.
Ka kyntu ruh ia u MLA ba um dei ban sngapjar halor kane ka bynta hynrei u dei ban shimkhia ban Pynthikna ba iaka skul ha u snem ban wan. Ka seng kan iai bud dien halor kane ka bynta Kat haduh ba kan poi Shaka jingjop.
