Pynglong ka KJCLF ia ka jingduwai ha ka sngi rakhe ia ka sngi laitluid ka Ri India

Shillong, Nailar 15: Mynta ka sngi ka Khasi Jaintia Christian Leaders Forum (KJCLF) kala pynlong ia ka jingduwai kaba kyrpang ha kane ka sngi ba ka Ri India ka rakhe ia ka jingdap 75 snem jong ka jingioh laitluid ka Ri na ka ktien ki nongwei, ha kaba la wan ban ia shim bynta da baroh ki nongialam na ki jaid niam khristan bapher bapher ia kaba la pynlong ha KJP Assembly Chapel ha Police Bazar.

Ha dien ka jingiaseng bad ka jingduwai ba kyrpang u President Bishop Reved Dr. P Lyngdoh la ong ba ka jingpynlong ia kane ka jingduwai ba kyrpang ha kane ka sngi ka long ban ainguh ia u blei ia ka jinglaitluid ka Ri, ka India bad kyrpang ia ka jylla Meghalaya.

Ryngkat ka jingainguh la buh kyrpang ia ka jylla ha ka jingduwai ba ka jylla kan long ka jylla kabapher, ka jylla ka ban long ka nuksa ia kiba bun kiwei pat ki jylla ha ka Ri india, kumta ha kane ka sngi kum ka kynhun kila pynlong ia kane ka jingduwai kyrpang na ka bynta ka Ri bad ka jylla.

Ha kane ka sngi ki nongialam balang na ki kynhun bapher bapher kila ka ia wan, ha ka por jingduwai la ioh ia ki jingduwai na ki nongialam niam bapher bapher ha ka ktien khasi, Garo bad Phareng bad kane ka long ka jingngeit ba u blei un isynei ia ka Ri bad ka jylla bad un kyrkhu ia ki nongialam ia ki nongshong shnong jong kane ka Ri.

“Katba ma ngi dang ia pynkhreh ia ka elelction ban wan u blei un kyntu, un ktah ia ki mynsiem ki dohnud ki jingsngewthuh ia ki jingmut jingpyrkhat jong ki paidbah ka ei kaba ka dei ban leh, bun sien ngi kynnoh tang ia ki nongialam, hynrei shuwa ban kynnoh ia ki nongialam ngi dei ban pyrkhat kaei ka kamram u wei pat u wei u nongshong shnong, khamtam ha ka khep kaba kum kane kaba don kam ban jied ia ki nongmih khmat ki jong ngi” ong u President ka KJCLF.

Ha kane ka sngi u president ka JKCLF la ong ba ka shong ha ka jingnang ka jingstad, ka jingshlur ka jingtip briew tip blei, ki paidbah jong ka jylla, da kine ki mat kiba khyndait la ioh ia ka jingduwai mynta ka sngi ha kane ka jingpynlong ia ka jingiaseng kaba kyrpang bad ainguhia u blei bad ngeit skhem ba u blei u iohsngew bad unjubab ia ki jingduwai jong ki.

U Secretary ka kynhun KJCLF u Rev E H Kharkongor u ai khublei ka sngi jong ka jinglaitluid, kum ka kynhun nalor kaei kaba u Bishop la ong ba ka don ka jingsngewkhia kaba jur kum ka kynhun katba dang iaid ki sngi ki por, na ka bynta ka jaidbynriew ka ri, ka jylla ka ia kynduh shibun ki jingeh kawei ha den kawei kaba kum ki nongialam khristan ki don ka jingsngewthuh ba kum ki nongialam ki don ka jingkitkhlieh kaba khraw kumno ban wanrah ia kaei kaei kaba bha, ka jingkyrmen khnang ba ka lawei kaba bha kaba shai.

Ki jingeh kaba ia kynduh ha kine ki sngi ki bnai ki snem kawei ha dien kawei ka jingeh ki khun samla ki kam sniew kiba bun ka jingngat ha ki kam dih drok, ka jingdih buaid bad kiwei kiwei bad mynta ka don ka jingpyrshang ban pynlong ia ka jylla kum ka nongbah jong ki jingiakhalai kine ki ban khia bha ia ka jingmut jong ki nongialam bad kum ka jylla ba bun ki khristan kaba baroh ki ia tip ki don ka bynta ban ai ka jinghikai.

Ka kamram jong ki ka long kumno ban hikai ia ki paidbah nongshong shnong ba kin jied ia ki nongmih khmat kiba bha bad kiba don ka jingaiti na ka bynta ban tei ia ka lawei jong ka Ri, kumno ban sngewthuh ha lade ban lait na ka jingbamsap nyngong ia lade shimet ia ki kynhun, kumta ban long ka nuksa na kiwei ruh ba lait na ka jingbamsap.

Ka jinganud ka long ban don ka jingsynshar khaddar kaba khuid kaba wanrah ia ka jingtrei ba iaid shaphrang, ia kine ym lah ban ioh tang ha ki shikynta bad ar kynta, shisngi ar sngi, hynrei kine ki shimpor da ki snem kumta ka don kam ia ki nongthep vote ba kin pyrkhat naduh mynta ban don ka jingsngewthuh ban don ka jingithuh ia ka lawei bad na ka bynta ka jingbha ka jaid byriew bad jong ka jylla ka Ri bad ka jingshong suk shognsain kan don ka jinglaitluid ha ka rukom kaba pura ha kiba bun ki bynta dei na kane kaba ki pynlong kyrpang ia kane ka jingiaseng ha kane ka sngi jinglait luid ka Ri India, la ong u Rev E.H  Kharkongor.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet