Shillong, Naiwieng 20: Khasi Students’ Union (KSU) RIST-USTM Unit haka 19 tarik Naiwieng 2021 ka lah ïoh ban pynlong ïaka ka Fresher’s Meet Cum Get Together 2021. Kane kadei ka sien ba nyngkong ba ka Seng kala ïoh ban pynlong ïaka ka jingïalang naduh bala pynkha ïa kane ka shnat treikam haka snem 25tarik Nailur 2019.
U Kongsan ha kane sngi lawan da u Samla Donald V Thabah General Secretary KSU Sengkmie bad u Symbud Kongsan u Samla James Hitler Mawphñiang General Secretary NKHDU. Ha kane ka sngi la synran lang da ki nongïalam ka KSU NKHDU.
Haba ai jing kren u Samla Donald V Thabah u lah kyntu ïaki khynnah pule kane ka Skul bah University of Science and Technology Meghalaya (USTM) bad Regional Institute of Science and Technology Meghalaya (RIST) ba ki dei ban mih shakhmat bad ban trei na ka bynta ka bha ka miat jong ka Jaidbynriew.
U Samla James Hitler Mawphñiang haba ai jingkren ha kane ka sngi u la ong ba “ngi im ha kiwei pat ki sngi, aïu ngin leh na ka bynta ka ri” bad u la kyntu ïaki samla ba pule ha kane ka skul bah ba haka jingim samla hap ban ïaid ryngkat ki jingeh baroh.
La ong ba ki don ha kane ka jaka khappud bad kaba ngi hap pat ba im bad sah lang bad kiwei pat ki Jaidbynriew, hynrei ngi dei ban pyni ma ngi ka nuksa ka ba bha iaka dong ka thaiñ haka imlang ka sahlang ka jong ngi.
Ha kane ka sngi la ïoh ruh ban pynskhem ïaki Nongkitkam ba thymmai jong ka samoi 2021-22 da u samla Donald V. Thabah. ka KSU RIST-USTM Unit ka khublei kyrpang ïaka KSU Sengkmie bad KSU NKHDU ki ba lah ïarap bad synranlang ïaki ban pynlong ïa kane ka sngi kaba jop.
Ka Seng ka ïawer iaki samla pule ba ki dei ban don ïaka jing kitkhlieh na ka bynta ka Ri bad ka Jaidbynriew. Kane ka long katkum ka kyrwoh na u Samla Kenneth Nongsiej General Secretary KSU RIST-USTM Unit.
