Pynhap pyrda u President  seng kmie ka KSU ia ki ar tylli ki lyngpung ka KSU Mawlai

Shillong, Rymphang 06: U Samla Lambokstarwell Marngar haka 4tarik Rymphang 2023 u la ïoh ban leit pynhap pyrda noh ïaki Ar tylli ki lympung bala pynïaid da ki Ar tylli ki shnat treikam kiba hap hapoh ka jingpeit jong ka KSU Mawlai Circle.

U President ka KSU seng kmie u la ïoh ban leit kum u Kongsan ban pynhap pyrda noh ïaka Mawlai Nongkwar Inter dong Knockout Football Tournament bala pynïaid da ka KSU Mawlai Nongkwar Unit kaba la sdang naduh ka 10tarik Kyllalyngkot 2023 haka jing ïa synran u Samla Mac Iver Thabah Vice – President KSU Mawlai Circle.

Ha katei ka Tournament lawan ïashim bynta da 22tylli ki kynhun na ki dong bapher bapher kiba don haka Shnong Mawlai Nongkwar, ki kynhun kiba poi ban ïaknieh ïaka nam lahduh ka long ka ka Kongrit Lyngkot FC pyrshah ïaka Block 2 ha kaba ka Kongrit Lyngkot FC kala ïoh ban rah ïaka nam lahduh.

Ha kane ka jingialehkai  da kaba pynliem ïaka Block 2 da 2 la 1 bad rah ïaka song Pisa ba 15,000tyngka ha ryngkat bad ka Trophy katba ka Block 2 kala khung ïaka song pisa ba 10,000tyngka ryngkat bad ka Trophy, hashwa ban sdang ka katei ka jing ïaknieh nam lahduh kala don shwa ka jing ïalehkai paralok hapdeng ka KSU Mawlai Circle pyrshah ïaka KSU Mawlai Nongkwar Unit ha kaba ka KSU Mawlai Circle kala ïoh ïaka namjop bad ïohrah da 2tylli ki syiar.

Haka por janmiet naka liang utei u Nongïalam ba Rangbah jong ka Seng u la ïoh ban leit pynhap pyrda noh sa ïaka Mawlai Syllaikariah Week bala pynïaid da ka KSU Mawlai Syllaikariah Unit kaba lasdang naduh ka 31tarik Kyllalyngkot 2023.Ha katei ka sngi la synran ïa u Kongsan da u Samla Biangbor L.Paliar President KSU Mawlai Circle uba dei ruh u Vice – President jong ka KSU Sengkmie kum u Symbud Kongsan.

Haba ai jingkren ha kitei baroh Ar tylli ki lympung na ka liang jong u Kongsan bad ki Symbud Kongsan kila pynpaw ba kum ka Seng hi ka ju kyntu ïa manla ki shnat treikam ban kin pynlong ïa kiba kum kitei ki lympung kaban long shi bynta ban ai mynsiem ïaki hep barit bad ki khun Samla bad ruh kan long ka jingia rynsan ïaki ba kin pyni ïala ki sap.

Kane ka long khamtam eh ba kan long ka jing bunkam ïaki jabieng jong ki bad ba kin lait naka jing pynleit jingmut ha kiei kiei kiba sniew bad kiban long ka jing ma ïaka Shnong ka thaw ka imlang ka sahlang bad khamtam eh ïaka Ri bad ka Jaidbynriew hi baroh kawei.

Shuwa ba kin shong bad pynkut ïala ki jingkren naka liang kitei ki nongïalam kila ai ka jing ïaroh ïa kitei ki Ar tylli ki shnat treikam kiba la trei shitom met bad mynsiem ban pynlong ïa kitei ki Ar tylli ki lympung ïakob kaba jop bad ïaid beit ïaid ryntih. Kane ka long katkum ka Kyrwoh na u Samla MacDonald Jitem Publicity Secretary KSU Mawlai Circle.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet