Shillong, K.Lyngkot 26: Mynta ka sngi ka iing bishar ka High Court ka jylla Meghalaya kala rakhe ia ka Republic Day kaba 73rd ha Phyllaw jong ka iing bishar mynta ka sngi, ia ka lama jong ka Ri India la kyntiew da u nongbishar ba rangbah ka HCM u Justice Sanjib Banerjee.
Ha kane ka sngi u myntri rngbah ka jylla Meghalaya u Conrad K Sangam u la kyntiew ia la ka lama jong ka Ri India ha Ingsah jong u ha Okland jan polo ban rakhe ia kane ka sngi khraw ba ka Ri ka leh burom ia ka Republic Day kaba 73rd.
U Myntri rangbah u la ai ka jingiaroh ruh ia ka jinglah ka sorkar Meghalaya ban pyniaid ia ka Tableau ha nongbah Delhi ha kane ka sngi rakhe ia ka Republic Day kaba kren ia ka jingdap 50 snem ka jylla bad ka jinglah ki seng kynthei ha ka jingiatreilang ha kane ka jylla Meghalaya.
Ha kane ka sngi ia ka lama jong ka Ri India ha ki District bapher bapher bad ki Civil Sub Division la kyntiew ia ka lama jong ka Ri India da ki myntri sorkar kum juhki MLA ha ka jingiadon lang ki paidbah ban sakhi ia kane ka sngi kaba khraw jong ka Ri India.
