Pyni ka WHO ia ka jingbha ba ka prokram ‘HarGharJal’ ka la wanrah ha ka koit ki paidbah

New Delhi, Jylliew 09:  “Ngi la iohiia ka bynta jong ka umdih kaba shngain ha ka jingpyllaitim ia ki briew, ka jingpynkupbor ia ki longkmie bad ki khynnah kynthei, bad ka bynta ha ka jingsuk ha ka jingim”. Ia kane la ong da u Dr V K Paul, Dkhot (Health), NITI Aayogha ka jingpyllaitpaidbah ia ka kaiphod jong ka WHO kaba la pyni ia ka jingbha ba ka prokram ‘HarGharJal’ ka la wanrah sha ka India, hangne mynta ka sngi.

“Ym don kanokano ka prokram kum kane kaba la wanrah katne ka jingbha ha ka jingkyntiew ia ka jingim jong ki briew bad ki longiing ha ka bor met, ka bor pyrkhat bad ka bor pisa,” u la ong. U Dr. Paul u la ai jingiarohia ka jingsted bad ka jingiar jong ka prokram bad u la ong, “Ka la don ka jing pyniasoh kaba thymmai ha man ka sekon bad kane ka la pynkylla ia ka koit ka khiah jong ki paidbah ha India mynta.”

Kane ka kaiphod ka la antad ba ka jingpynthikna ia ka jingpynpoiumdih ba shngain sha baroh ki longiing ha ka ri ka la pyllait na jan 400,000 ki jingkhlad namar ki jingpang pynhiar bad ka la pyllait ruh na kumba 14 million tylli ki Disability Adjusted Life Years (DALYs) kiba iadei bad kine ki jingpang.

Kane ka la wanrah ia ka jingtyngkai kaba haduh $101 billion.Kane ka jingwad bniah ka peit bniah ia ki jingpang pynhiar namar kane ka don ka bynta kaba heh tam ha ka jingban khia namar ki jingpang kiba iadei bad ka WASH.

KaViniMahajan, Secretaryka tnat Ka Um Dih bad ka Jingkhuid, ka tnat Jal Shakti, bad u Dr. Rajiv Bahl, Secretary ka tnat ka jingwadbniah ha ka koit ka khiah, Director General, Indian Council of Medical Research,Dr. Roderico H. Ofrin, u nongmihkhmat na ka WHO sha India ki la iadon lang ha kane ka sngi.

U Dr Bahl, DG, ICMRu la iarohia ka jingjop jong ka HarGharJalban pynbiang umdih ba shngain ia ki briew jong ka ri. “Ka jingbei tyngka ka Sorkar India ha ka JalJeevan Mission ka la iarap bha ia ka koit ka khiah kumba la pyni ha kane ka jingwad bniah,” u la ong.

Ka kaiphod halor ka ‘HarGharJal’ ka peit bniah ia ki jingpang pynhiar namar kine ki don ka bynta kaba heh tam ha ka jingbankhia namar ki jingpang kiba iadei bad ka um, ka jingkhuid bad ka jinglehkhuid (WASH).

Kane ka jingwadbniah ka ban jur halor ka jingdonkam ban peit bniah ia kine ki jingpang bad ki lad kiba don na ka bynta ka koit ka khiah jong ki paidbah bad ki jingmyntoi ha ka ioh ka kot.

Shuwa u snem 2019, ka jingeh ha ka jingpynpoi um sha ki jaka nongkyndong ka long kaba jynjar. Kane ka kaipod ka pyni ba ha u 2018, 36% jong ki briew ka India, ba kynthup 44% ki briew na ki jaka nongkyndong kim don lad ban ioh ia ki tyllong umdih ba shngain ha ki jaka jong ki.

Ka jingdih ia ka umdih ka bym shngain ka la ktah bha ia ka koit ka khiah bad ka imlang sahlang. Kane ka jingwadbniah ka la ong ba ha u 2019, ka umdih ka bym shngain, ha ryngkat ka jingduna ha ka jingkhuid bad ka jinglehkhuid, ka la wanrah ia ka jingduh haduh 1.4 million ngut ki briew bad 74 million ki DALY ha baroh kawei ka pyrthei.

Ka World Health Organization (WHO) ka peit ia ki dak jong ki thong Sustainable Development Goal (SDG), kaba kynthup ia ka jingdon ki briew kiba ioh ia ka umdih kaba shngain (Indicator 6.1.1) bad ka jingkhlad ki briew namar ka umdih ka bym shngain, ka jingkhuid bad ka jinglehkhuid(Indicator 3.9.2).

Ka WHO ka la saindur ia ki lad bad ki rukom treikam ban antad ia ki jingmyntoi ha ka koit ka khiah haba kyntiew ia ka jingbha jong ka um, ka jingkhuid bad ka jinglehkhuid, khamtam ha ka jingpynduna ia ki jingpang pynhiar bad kiwei kiwei ki bynta kiba iadei bad ka koit ka khiah.

Ka kaiphod ka ban jur halor ka jingtyngkaiia ka por bad ka kam ia ki longkmie bad ki khynnah kynthei lyngba ka jingpynbiang ia ka um kor. Ha u 2018, ki longkmie ha India ki pynlut kumba 45.5 minit man ka sngi ban tong um ban pyndap ia ka jingdonkam jong ka iing.

Haba khein lang, baroh ki iing ki bym don ia ka um ki pynlut66.6 million kynta man ka sngi ban leit tong um, ha kaba kiba bun (55.8 million kynta) ki dei ha ki jaka nongkyndong. Ka jingpynpoi um ia baroh kan wanrah ia ka jingtyngkai da kaba pynduh ia ka jingdonkam ban leit tong um man ka sngi.

Ha kane ka sngi, ka ViniMahajan, Secretary DDWS ka la kdew sha ka jingiaid shaphrang jong ka JalJeevan Mission. Ka la ong ba ka jingdon ki kor um ha ki jaka nongkyndong ka la kiew na ka 16.64% ha u 2019 sha ka 62.84% hapoh 41 bnai, kaba pyni ia ka jingkiew man u snem da 13.5% haba ianujor bad tang 0.23% man u snem.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet