Shillong, Naiwieng 23: Ka jingleit kanbas ilekshon jong u National President jong ka seng NPP, u Conrad K Sangma sha ka jylla Mizoram la pynkut mynta ka sngi da ka jingialang paidbah ha Serchhip Konstitwensi ha kaba ka party kala pynieng ia u Kapliana Pachuau u nongthoh khubor ba paw la jylla pyrshah ia u myntri rangbah u Lal Thanhawla na ka party Congress.
Ha ka jingleit kanbas ilekshon jong u Conrad sha Mizoram u la ong ba ka jingpynieng kyrtong ka NPP ha kane ka ilekshon MLA ha ka jylla Mizoram ka long ba ka seng ka don ka thong ban trei na ka bynta ka roi ka par jong ka jylla. Ha ki jingkanbas ilekshon u la ong ba ka seng kan kyntiew ia ki samla ka dang shatei lam mih ngi.
U la ong ban kyntiew ia ka ioh ka kot jong ka jylla dei ban pynkhlain ia ka khaii pateng ki mar ki matta kiba mih na ka jylla lada leh ha kane ka rukom ka ioh ka kot jong ka jylla kan kiew ha ki ba bun ki liang. U kyntu ia ki paidbah ba kin ai ka jingkyrshan ia ka seng NPP.
