Pyniar shuh ka HYC ia ka shnat trei kam jong ka sha ki thain Mawkynrew

Shillong, Nailar 18: Ka Hynñiewtrep Youths’ Council (HYC) dang shen  kala ioh ban pyniar shuh shuh iaka shnat treikam da kaba pynkha sa ia kawei pat ka Circle kaba la tip kum ka Mawkynrew Circle kaba la long ha iing Dorbar Hall Jongksha.

Ia ka Jingialang la Sdang shuwa da ka jingduwai na U Bah Chesterwell Sohtun dkhot Mawryngkneng Circle. Ha katei ka jingialang ban pynskhem bad ban pyntiansmai iaki Nongkitkam la Shim da U Bah Rhembor.G Saibon Uba long U Vice President ka Seng Kmie ha ka jingiadon ryngkat U Orginising Secy ka Seng kmie Samla Francis G Mawlong bad kiwei ki nongkit kam ka seng.

Haba ai jngkren U Bah Rhembor Saibon Ula ai khublei iaka jingiohi jngai ki Samla Rangbah na katei ka thaiñ kiba la mih shakhmat ban iakit iatynrong lem ban shakri lyngba kane ka Seng. Ula kyntu ia kane ka Circle ba kadei ban long kaba sngaid ba plung ha jingtreikam ka jong ka ban ai ia ka jngshakri kaba paka ha katei ka dong ka thaiñ.

Ula kyntu ruh ia nongkitkam kiba thymmai ba kidei ban shimkhia ban peit ban khmih iaki bun ki jingeh kiba iadei bad ka jingsniew ki Surok ka pule pulthi ka rep ka riang bad kiwei kiwei kiba ki paidbah ka thaiñ ki mad jingeh.

Ki Nongkitkam bapura ki long Narison Kshiar – President. Batosing Lating- Vice President. Nangiada Surong – General Secy. Balajieid Surong – Asst.Secy. Phyrnailang Myrboh – Organising Secy. Seinebel Nongrum – Asst Organising. Stevenson Suting – Education Secy. Ailadlang Surong – Environment Secy. Markson Suting – Socio bad Cultural Secy. Elishon  Nongrum – Publicity Secy bad 20ngut ki Executive member.

 

 

 

What Next?

Recent Articles

Leave a Reply

Submit Comment

*