Shillong, Nailar 29: Mynta ka sngi khat ar ngut ki MDC jong ka Khasi Hills Autonomous District Council (KHADC) kiba bun na ki ki dei ki Executive Member hapoh ka Executive Committee jong u Bah PN Syiem, kila pyniasoh bad ka party thymmai ka People Democratic Front ha ka jingialang paidbah kaba la long ha iing dorbar jong ka Jaiaw Lumpyllong Shillong.
Ki MDC kiba la pyniasoh sha ka PDF mynta ka sngi ki, long u CEM barim jong ka KHADC u Bah HS Shylla, Bah Hedrian Lyngdoh, Bah Victor Rani, kiba la mih na ka UDP, u Bah Latiplang Kharkongor, Bah James Ban Basaiawmoit kiba la mih na ka KHNAM.
U Chairman jong ka KHADC u Bah LG Nongsiej, Ka kong Grace Kharpuri, Bah Morningstar Mawsor, Bah Blandingstar Warjri kiba la mih na ka seng HSPDP, u Bah Banteidor Lyngdoh, Bah Albinus Lyngdoh kiba la mih na ka seng Congress, u Bah James Sylliang Indpendent.
Ia kine ki 12 ngut ki MDC kiba la wanrung sha ka PDF la pdiang sngewbha ia kid a u president jong ka seng u Bah Ivan Marbaniang, ha ka jingiadon lang ki nongialam jong ka seng, na ki constituency kiba pher bapher kiba la ia poi ban ia shakhi ia kane ka sngi.
