Shillong, Iaiong 17: Mytna ka sngi ka party All India Trinamool Congress (AITC) lyngba ka twitter la pyntip ba u Ripun Bora mytnri barim ka sorkar Assam, MP ka Rajya Sabha ba mynshuwa bad u ba la bat ruh ia ka kam President jong ka Assam Pradesh Congress Committee mynta ka sngi la pyniasoh bad ka TMC.
Na ka liang jong ka party AITC la pdiang sha ka party ia u tei u nongialam jong ka party Cngress da u general secretary ka party u Abhishek Banerjee mynta ka sngi ha ka jingiadon lang kiwei ki nongkit kam jong ka party.
Na ka liang jong u Abhishek u la pdiang sngewbha bad u la ong ba da ka jingwan jong u sha ka party kin danglah ban trei na ka bynta ka jingmyntoi jong ki paidbah bad kyrmen ba kane ka jingiatreilang kan long ka jingmyntoi ia ki paidbah ka thain baroh kawei.
