Shillong, Kyllalyngkot 05: Mynta ka sngi u President jong ka MTC u bah Charles Pyngrope u la pdiang burom ia u S G Esmatur Mominin MLA jong ka Phulbari bad ia u bah Robinus Syngkong MDC jong ka JHADC sha ka party.
Ia ki la pdiang burom ha ka jingialang kaba la long ha Pinewood, ha ka jingadon lang u Dr. Mukul Sangma, bah George B Lyngdoh bad kiwei ki nongkit kam jong ka party ryngkat ki nongkyrshan ka jong ki.
U Bah Charles ha ka jingkren pdiang burom ia kine ki riew rangbah sha ka party la ong ba ka jingwan jong ki ka kren shai ba ka party TMC ka don ia ka thong ban ai ka jingshakri ia ki paidbah ka jylla.
Ha kine shisnem tam ka party TMC kala saphriang ha kylleng jong ka jylla bad katba dang mih ki sngi ka party kala dang kiew bad ka jingwan pyniasoh ki paidbah bad ka party ka kren shai ba ki don ka jingshaniah ha kane ka party.
