Shillong, Kyllalyngkot 13: U National President jong ka party NPP u Conrad K Sangma mynta ka sngi u la pdiang burom ia u speaker barim jong ka jylla Meghalaya u ElstoneD marak sha ka party ha ka jingialang paidbah kaba la long ha Adokgre ban sdang ia ka jingialap election jong ka party ha ki lum Garo.
Haba kren ha kane ka jingialang paidbah u Conrad u la ong ba ka Adokgre ka dei ka jaka ba wanrah ia ka jingjop bad u kpa jong u haba u sdang ia ka jingialap election u juh sdang na Adokgre bad na ka liang jong u u kwah ban pynneh ia kane kaba la leh da u nongialam jong ka party NPP.
Ha kane ka jingialang paidbah mynta ka sngi la pynithuh ruh sha ki paidbah ia u kyrtong ka seng u Rupert Momin u ban ia khun ia kane ka election na Kharkutta. Ha kane ka jingialang paidbah u Conrad u la ong ba ki paidbah kila sngewthuh ba hapoh ka jingialam jong ka seng Congress ka jingphohsniew jongu Captain Williamson Sangma bad Purno Sangma kam shym la lah ban pynurlong ha ka jaka ban kiew sha khmat la hiar sha dien.
U Conrad u la kynnoh ba lada u Dr Mukul u kwah ban trei na ka bynta ka roi ka par u la dei banbuh ia ki Mawnongrim kham mynshuwa balei uleh ha kaneka por ba ka election kala poi ha khmat, u Conrad u la ong ba imat kala don ka karkhana shna Foundation stone, u la ong ba u Dr Mukul I mat u la kwah ban sdang karkhana la ka jong.
Na ka liang jong u Conrad u la ong ha kane ka jingialang paidbah ba da ki klur ka pisa la pynlut ha kaba pynlong ia ki jingialang buh Mawnongrim, la ong ba ha ki lai bnai mynta u Dr Mukul u la buh haduh 30 tylli ki mawnongrim. La ong kane ka election 2018 ka long kaba don kam ban kyntiew ia ka jylla Meghalaya.
