Shillong, Naitung 22: Ka kynhun liang synshar hapoh jong ka Khasi Hills Autonomous District Council (KHADC) ka Khasi Hills Democratic Alliance (KHDA) kala rai ban pynieng ia u Bah Reinwell Dkhar MDC jong ka UDP ban ia khun ia ka elekshon Chairman hapoh jong ka KHADC.
U Bah Teinwell Dkhar haba kren ha u SP News Agency u la iathuh ba ka jingthep kyrteng kan long la shai ka sngi shuwa ka 12 baje shiteng sngi. Kane ka jingthep kyrteng kan long na ka liang synshar KHDA. Katba ka elekshon kan long ha ka 24 tarik ha iing dorbar jong ka KHADC ha ka por 11.00 baje mynstep.
Ha ka iing dorbar ka 29 ngut la iang synshar ka 17 ngut ba ka don ka jingkyrmen ba kin jop ia kane ka elekshon Chairman hapoh jong ka KHADC. U Bah Teinwell u la dei u wei na ki MDC ba la jop la bun sien kum u dkhot jong ka iing dorbar na ka Shella Constituency.
