Shillong, Nailur 17: Ha ka jingialang kaba la long ha Nongmyns
ong ka KHNAM ka la shim ia ka rai ban pynskhem ia u bah Dimarsing Marbaniang kum u kyrtong MDC ka seng na Laitumkhrah Constituency.
Ha katei ka jingialang ha ka jingiadon ryngkat ki riew rangbah, ki long kmie bad ki khun samla na kylleng ki shnong kiba hap hapoh u pud u sam jong ka Laitumkhrah Constituency ka Central Executive Committee kiba kynthup ia u President rangbah duh ka seng, Bah Pyndapborthiaw Saibon, U General Secretary Bah Frewelson Marpna, Chief Publicity Secretary Bah James M.A Neng bad kiwei kiwei ki nongialam jong ka seng kila pynskhem ia ka rai jong ka Central Election Committee ban pdiang bad pynskhem noh ia u bah Dimarsing kum u kyrtong ka seng.
Katba ki kam kiba ia dei bad ka ophis kin dang iaid sha khmat. Ha katei ka sngi na ka liang jong U Bah Dimarsing u la pynpaw ia ka jingthrang ban mih madan da ka mynsiem ban shakri ia ka constituency bad ban saindur thymmai ia ka District Council ryngkat bad ka seng.
Ha ka jingkren u Bah Dimarsing u la ong ruh ba KHNAM ka dei ka seng kaba u la peitngor bha baroh shi katta bad la iohi ba watha pdeng ki jingeh bad ki jingtynjuh kiba bun ka don pat ia ka mynsiem ialeh ban saindur thymmai ia ka imlang ka sahlang. U President ka sengu ba long u kongsan ha katei ka sngi u la plié ruh ia ka ophis trei kam jong u kyrtong ha katei ka sngi.
